"తగ్గేదే లే" అంటున్న డేవిడ్ వార్నర్..

దిశ, వెబ్‌డెస్క్: ఆస్ట్రేలియా క్రికెటర్ డేవిడ్ వార్నర్ ప్రముఖ హీరోలను అనుకరిస్తూ చేసే స్పూఫ్ వీడియోలు అభిమానులను విశేషంగా అలరిస్తుంటాయి. తాజాగా అల్లు అర్జున్ నటించిన పుష్ప సినిమాలోని వీడియోను తన ఇన్‌స్టాగ్రామ్‌లో పోస్ట్ చేశాడు. వీడియోలోని బన్నీ ముఖాన్ని వార్నర్ తన ముఖంతో స్వాప్ చేశాడు. తద్వారా వార్నర్ కాస్తా ‘పుష్ప రాజ్’ లా తయారయ్యాడు. ఈ వీడియోపై అల్లు అర్జున్ స్పందించాడు.. “మై బ్రదర్ వార్నర్.. తగ్గేదే లే!” అంటూ రిప్లయ్ ఇచ్చాడు. అటు టీమిండియా టెస్టు కెప్టెన్ విరాట్ కోహ్లీ స్పందిస్తూ.. “మిత్రమా.. నీకేం కాలేదు కదా!” అంటూ ఛలోక్తి విసిరాడు. మొత్తానికి వార్నర్ తన తాజా వీడియోతో అభిమానులనే కాదు సెలబ్రిటీలను కూడా ఆకర్షించాడు.