ముంబైలో పవర్ కట్.. సోను, కంగన కామెంట్స్

దిశ, వెబ్‌డెస్క్: ముంబైలో కరెంట్ కట్ ప్రస్తుతం సోషల్ మీడియాలో ట్రెండింగ్‌లో ఉంది. బాలీవుడ్ సినిమాలు, ఐపీఎల్‌ను ఈ సందర్భానికి అనుగుణంగా పోలుస్తూ మీమ్స్ కూడా వచ్చేశాయి. కాగా ముంబై ఎలక్ట్రిసిటీ ఇష్యూపై స్పందిస్తూ పోస్ట్ పెట్టాడు రియల్ హీరో సోనూసూద్.

ముంబైలో రెండు గంటలు కరెంట్ లేకపోతే దేశం మొత్తానికి తెలిసింది. కానీ కనీసం రెండు గంటలు కూడా కరెంట్ లేని గ్రామాలు దేశంలో ఉన్నాయని అన్నాడు. వాటికోసం కొంచెం ఆలోచించండి అని విజ్ఞప్తి చేశాడు.

మరోవైపు కంగనా రనౌత్ కూడా మహారాష్ట్ర గవర్నమెంట్‌పై సెటైర్స్ వేసింది. ‘ముంబైలో పవర్ కట్ అయింది.. ఇంతలో మహా ప్రభుత్వం ఏం చేస్తుందో’ అని విమర్శిస్తూ పోస్ట్ పెట్టింది. కాగా కంగన ఫ్యాన్స్ కూడా ఉద్దవ్ ఠాక్రే భలే ఆలోచించాడు. పవర్ కట్ చేస్తే వైఫై, ఇంటర్నెట్ ఉండదు. మొబైల్ పనిచేయదు.. ఉద్ధవ్‌ను తిడుతూ ట్వీట్స్, పోస్ట్‌లు రావు.. బాగా ఆలోచించి పవర్ కట్ చేశాడన్న మాట అంటూ కామెంట్స్ చేస్తున్నారు.