ఇది నా కోరిక : శోభిత

దిశ, వెబ్‌డెస్క్: సూపర్ మోస్ట్ టాలెంటెడ్ హీరోయిన్ శోభిత ధూళిపాళకు సినిమాల పట్ల ఉన్న ప్రేమ, అభిమానం గురించి ఎప్పుడూ చెప్తూనే ఉంటుంది. చదవడం, రాయడంతో పాటు వాటిని ప్రజలకు అర్థమయ్యేలా చెప్పడానికి ఇష్టపడుతుంది. దాదాపు 8 ఏళ్ల సినీ ప్రయాణంలో చాలా మంది ప్రతిభ గల వ్యక్తులను చూశానని చెప్తోన్న తను.. దేశంలో టాలెంట్‌కు కొదవలేదని అర్థమైందని తెలిపింది. భిన్న మనస్థత్వాలు, విభిన్న వయసున్న వ్యక్తులు, వ్యక్తిత్వాలు, కెరీర్లు చాలా చూశానని, ప్రాంతాలతో సంబంధం లేకుండా ఎదగడాన్ని గమనించానని చెప్పింది.

ఇప్పటి వరకు తన ప్రయాణంలో అధికారం కోసం పాకులాడామని, కానీ లాక్‌‌డౌన్ టైమ్.. తనలో ఉన్న నెగెటివ్ ఆలోచనల నుంచి విముక్తి కలిగించిందని చెప్పింది. అందుకే తానో కొత్త ప్రయాణం ప్రారంభించబోతున్నట్లు వెల్లడించింది. ‘క్రియేటివ్ స్టూడియో లేదా మరొక పేరు.. మీరు ఏదైనా పెట్టుకోవచ్చు, కానీ నేను మాత్రం సినిమాల కోసం కథలు సృష్టించాలని అనుకుంటున్నా’ అని తెలిపింది. ఒక కమ్యూనిటీలా అందరం కలిసి ఎదగాలని కోరుకుంటున్నట్లు వెల్లడించింది. మీ దగ్గర ఎలాంటి కథలు, ఆలోచనలు, స్క్రిప్ట్ ఉన్నా తనతో నేరుగా పంచుకోవచ్చని తెలిపింది. తనకు మెయిల్ చేయడం ద్వారా మంచి అవకాశం లభిస్తుందని ఆశిస్తున్నట్లు చెప్పింది. ఇది చాలా కాలంగా తనలో ఉన్న పవిత్రమైన కోరికగా అభివర్ణించింది శోభిత.

ఈ ప్రకటనతో ఇండస్ట్రీ నుంచి ప్రశంసలు అందుకుంటోంది శోభిత. గొప్ప చొరవ తీసుకుని.. గొప్ప కార్యక్రమానికి శ్రీకారం చుడుతున్నశోభితకు కంగ్రాట్స్ చెప్తున్నారు.

Read also…

డ్రగ్స్ కేసులో తెరపైకి ‘రకుల్’ పేరు..