జబర్దస్త్ షోకు బిగ్ షాక్.. ముగ్గురు సీనియర్ కమెడియన్లు గుడ్ బై?
దిశ, వెబ్‌డెస్క్ : సుడిగాలి సుధీర్ అంటే తెలియని వారుండరు. బుల్లితెరపై ఎన్నో ఏళ్లుగా కామెడీ పండిస్తూ తెలుగు ప్రేక్షకులందరికి నవ్వులు పంచుతూ.. జబర్దస్త్ కామెడీ షో ద్వారా మంచి ఫేమ్ తెచ్చుకున్నాడు. సుధీరే కాకుండా గెటప్ శ్రీను, ఆటో రాంప్రసాద్ కూడా జబర్దస్త్ షో ద్వారా మంచి గుర్తింపు తెచ్చుకున్నారు. ఎంతలా అంటే వీరు ముగ్గురు లేకుండా జబర్దస్త్ షోను ఊహించుకోవడమే కష్టం అనేంతగా వీరు ఆ షోలో ఒదిగిపోయారు. జబర్దస్త్ అంటేనే సుధీర్, గెటప్ శ్రీను, ఆటో రాంప్రసాద్.. వీరు అంటేనే జబర్దస్త్ అనేలా షో మారిపోయింది.
కానీ, వీరు జబర్దస్త్ షో నుంచి తప్పుకుంటున్నట్లు వార్తలు గుప్పుమంటున్నాయి. అనతి కాలంలోనే పెద్ద కమెడియన్లుగా ఎదిగిన వీరికి వరుసగా సినిమా ఆఫర్లు క్యూ కడుతున్నాయి. దీంతో వీరు షాకింగ్ డెసిషన్ తీసుకున్నట్లు తెలుస్తోంది. వరుస సినిమా ఆఫర్స్ వస్తుండటంతో డేట్స్ కుదరడం లేదని, ఇటీవల జబర్దస్త్ అగ్రిమెంట్లో కూడా వీరు సంతకం పెట్టలేదని తెలుస్తోంది. అయితే ఎంతో మంచి ఫ్యాన్ ఫాలోయింగ్ ఉన్న కమెడియన్స్ ఈ కార్యక్రమం నుంచి బయటకు వెళ్ళిపోతే కార్యక్రమం రేటింగ్ ఆమాంతం పడిపోతాయని నిర్వాహకులు భావిస్తున్నారు. కామెడీ షో ద్వారా ఎంతో మంది మదిలో చోటు సంపాదిచుకొని, కమెడియన్‌గా, యాంకర్‌గా మల్లెమాల సంస్థ‌లో నాటుకుపోయిన సుధీర్ ఆ సంస్థను వీడనున్నాడా.. గెటప్ శ్రీను, ఆటో రాంప్రసాద్ కూడా ఈ నిర్ణయం తీసుకున్నారా, అనే విషయంపై పూర్తి క్లారిటీ రావాలంటే వాళ్లు స్వయంగా స్పందించే వరకు వేచి చూడాల్సిందే మరీ .
