ఫీల్డ్ మార్షల్ సామ్ మానెక్‌షా బయోపిక్‌లో విక్కీ.. టైటిల్ రివీల్

దిశ, సినిమా: ఇండో-పాకిస్థాన్ వార్ సమయంలో ఇండియన్ ఆర్మీకి ఆర్మీ స్టాఫ్ చీఫ్‌గా వ్యవహరించిన సామ్ మానెక్‌షా జీవితకథ ఆధారంగా సినిమా తెరకెక్కుతున్న విషయం తెలిసిందే. యుద్ధ సమయంలో భారత దళాన్ని కమాండ్ చేసిన ఆయన.. ఇండియాస్ ఫస్ట్ ఫీల్డ్ మార్షల్‌గా హిస్టరీ క్రియేట్ చేశారు. కాగా మానెక్‌షా జీవితకథను బిగ్ స్క్రీన్‌పైకి తీసుకొస్తున్న నిర్మాత రోనీ స్క్రూవాలా.. ఈ క్రమంలోనే మానెక్‌షా బర్త్ యానివర్సరీని పురస్కరించుకుని టైటిల్ రివీల్ చేశారు. మేఘనా గుల్జార్ దర్శకత్వంలో వస్తున్న చిత్రానికి ‘సామ్ బహదూర్’ టైటిల్ కన్‌ఫర్మ్ చేస్తూ వీడియో కూడా రిలీజ్ చేశారు. యంగ్ హీరో విక్కీ కౌశల్ టైటిల్ రోల్‌లో కనిపించబోతుండగా.. మానెక్‌షాకు నివాళులు అర్పిస్తూ ఈ వీడియోను సోషల్ మీడియాలో షేర్ చేశారు. కాగా ఇంతకు ముందే రిలీజైన విక్కీ ఫస్ట్ లుక్‌కు బెస్ట్ రెస్పాన్స్ వచ్చింది