"విరాట పర్వం" కోసం రౌడీ బేబీ స్పెషల్ ట్రైనింగ్
సాయి పల్లవి.. నేచురల్ యాక్టర్. తెలుగులో తొలి సినిమా ఫిదా తోనే ప్రేక్షకులను ఆకట్టుకున్న సాయి పల్లవి.. ఆ తర్వాత కూడా నటనా ప్రాధాన్యమున్న పాత్రలనే ఎంచుకుంది. ప్రస్తుతం విరాట పర్వం, లవ్ స్టోరీ సినిమాలు చేస్తున్న మలార్ బ్యూటీ … తన పుట్టినరోజున రివీల్ అయిన ఈ సినిమాల్లోని ఫస్ట్ లుక్ తో వావ్ అనిపించింది.
ముఖ్యంగా విరాట పర్వం ఫస్ట్ లుక్ తో టాక్ ఆఫ్ ది ఇండస్ట్రీ అయిపోంది. చేతిలో పెన్ను, ఒడిలో పుస్తకం, పక్కనే సంచితో అమరుల స్థూపం ముందు కూర్చున్న సాయి పల్లవి లుక్ .. అసలు ఈ లుక్ వెనుక కథేంటి అన్న ప్రశ్నను రేకెత్తించింది. కథ ఏదైనా సరే.. ఈ సినిమాతో సాయి పల్లవి మరో వైవిధ్యభరితమైన పాత్రతో వచ్చేస్తుందని.. ఖచ్చితంగా ప్రేక్షకులను తన నటనతో ఆకట్టుకుంటుందని మాత్రం అర్థం అయిపోయింది.
విరాట పర్వం సినిమాలో ఈ రౌడీ బేబీ విప్లవ భావాలున్న రచయితగా, గాయకురాలిగా కనిపించనుందట. తన పాటతో ప్రజల్లో పరిస్థితులపై అవగాహన కల్పించేందుకు, విప్లవ ఉద్యమంలో వారిని భాగస్వాములను చేసేందుకు ప్రయత్నిస్తుందట. అదే సమయంలో నక్సలైట్ పాత్రలో కనిపించే రానాతో ప్రేమలో పడుతుందట. కాగా ఈ పాత్ర కోసం సాయి పల్లవికి స్పెషల్ ట్రైనింగ్ కూడా ఇచ్చారట. దాదాపు మూడు నెలల పాటు ట్రైనింగ్ సెషన్స్ నడిచాయని సమాచారం. కాగా 1990 ప్రాంతంలో ఏపీలో నక్సల్స్ ప్రభావం, ఉద్యమం సినిమా కథ కాగా.. వేణు ఊడుగుల డైరెక్టర్. సుధాకర్ చెరుకూరి నిర్మాణ సారధ్యంలో తెరకెక్కుతున్న చిత్రంలో ప్రియమణి, నందితా దాస్, నవీన్ చంద్ర, ఈశ్వరీ రావు, జరీనా వాహబ్ ప్రధాన పాత్రల్లో నటిస్తున్నారు.
