'RRR' ఉగాది పోస్టర్ : ఆనందోత్సహాల్లో అన్నదమ్ములు
దిశ, వెబ్ డెస్క్: సినీ అభిమానులందరూ వేయి కళ్లతో ఎదురుచూస్తున్న పాన్ ఇండియా మూవీస్ లో ‘ఆర్ ఆర్ ఆర్’ ఒకటి. దర్శక ధీరుడు రాజమౌళి దర్శకత్వంలో టాలీవుడ్ స్టార్ హీరోలు ఎన్టీఆర్, రామ్ చరణ్ మల్టీస్టారర్ గా తెరకెక్కుతున్న ఈ చిత్రంపై ప్రేక్షకులు భారీ అంచనాలనే పెట్టుకున్నారు. అల్లూరి సీతారామరాజుగా చరణ్, కొమరం భీమ్ గా తారక్ కనిపించనున్నారు. ఇప్పటికే ఈ చిత్రం నుండి విడుదలైన పోస్టర్స్ ప్రేక్షకులను ఎంతగా ఆకట్టుకున్నాయి ప్రత్యేకంగా చెప్పనవసరం లేదు.
https://twitter.com/RRRMovie/status/1381827049862569984
తాజాగా ఉగాది పర్వదినాన అభిమానుల దిల్ ఖుష్ చేస్తూ ‘ఆర్ ఆర్ ఆర్’ చిత్రబృందం ఇద్దరు హీరోలు ఉన్న ఒక ప్రత్యేక పోస్టర్ ని రిలీజ్ చేస్తూ అందరికి ఉగాది శుభాకాంక్షలు తెలిపింది. ఈ పోస్టర్ లో రామరాజు , భీమ్ సంబరాల్లో మునిగి తేలుతూ కనిపిస్తున్నారు. పంచె కట్టులో భీమ్, మన్యం దొర వేషధారణలో చెర్రీ లుక్స్ ఆదిరిపోయాయనే చెప్పాలి. ప్రస్తుతం ఈ పోస్టర్ నెట్టింట వైరల్ గా మారింది. ప్రస్తుతం శరవేగంగా షూటింగ్ జరుపుకుంటున్న ఈ చిత్రం ఈ ఏడాది అక్టోబర్ లో రిలీజ్ కానుంది.
