జనగామలో ఘోర రోడ్డు ప్రమాదం..!

దిశ, జనగామ:

జనగామ జిల్లాలో ఘోర రోడ్డు ప్రమాదం జరిగింది. పెంబర్తి గ్రామ శివారులో ఇన్నోవా కారు అదుపు తప్పి ఆటోతో పాటు బైక్‎ను ఢీ కొట్టింది. ఈ ప్రమాదంలో ఇద్దరు మృతి చెందగా, పలువురికి తీవ్ర గాయాలయ్యాయి. మృతులు పెంబర్తికి‌ చెందిన నర్సయ్య, లింగాల ఘణపురం మండలం కళ్లెంకు చెందిన ఆనంద్‎గా గుర్తించారు. క్షతగాత్రులను స్థానిక ఆస్పత్రికి తరలించారు. ఘటనాస్థలికి చేరుకున్న పోలీసులు కేసు నమోదు చేసి దర్యాప్తు చేపట్టారు.