శంకర్ డైరెక్షన్‌లో రణ్వీర్.. చరణ్‌తో మల్టీస్టారర్?
దిశ, సినిమా: బాలీవుడ్ ఎనర్జిటిక్ స్టార్ రణ్వీర్ సింగ్ సక్సెస్ రేటు గురించి ప్రత్యేకంగా చెప్పక్కర్లేదు. డిఫరెంట్ కాన్సెప్ట్స్‌, డిఫరెంట్ క్యారెక్టర్స్‌తో ఆడియన్స్‌ను ఎంటర్‌టైన్ చేస్తున్న రణ్వీర్.. ఆల్రెడీ బిగ్ ప్రాజెక్ట్స్ లైన్‌లో పెట్టేశాడు. తను నటించిన ‘83’ మూవీ ఇప్పటికే విడుదలకు సిద్ధంగా ఉండగా.. ప్రస్తుతం ‘సర్కస్’ సినిమా చిత్రీకరణలో బిజీగా ఉన్నాడు. కాగా ప్రజెంట్ ఈ మూవీ షూటింగ్‌కు బ్రేక్ ఇస్తూ ఓన్ ప్రొడక్షన్ హౌజ్‌ ‘మా కసమ్ ఫిల్మ్స్‌’లో ప్రాజెక్ట్ ప్లాన్ చేస్తున్నారట. ఈ విషయాన్ని తన టీమ్‌తో చర్చించిన హీరో.. వీఎఫ్ఎక్స్ ఎక్స్‌పర్ట్, సౌత్ బిగ్గెస్ట్ డైరెక్టర్ శంకర్‌తో సినిమా గురించి మాట్లాడేందుకు గాను చెన్నై వెళ్లారని సమాచారం. మొత్తానికి శంకర్ డైరెక్టర్‌గా రానున్న తదుపరి సినిమాకు రణ్వీర్ హీరో, నిర్మాత కావడంతో ప్రాజెక్ట్ సూపర్ ఇంట్రెస్టింగ్‌గా ఉందంటోంది బాలీవుడ్. శంకర్ స్పెక్టాకులర్ విజువల్స్, రణ్వీర్ గ్రేట్ యాక్టింగ్ స్కిల్స్ సినిమాను మరో లెవల్‌లో నిలబెట్టనున్నాయి.
అయితే ఈ మధ్యే మెగా పవర్‌స్టార్ రామ్ చరణ్‌, శంకర్ డైరెక్షన్‌లో సినిమాను ప్రకటించిన విషయం తెలిసిందే. ఈ సినిమా కంప్లీట్ కాగానే రణ్వీర్ ప్రాజెక్ట్‌‌ను టేక్ ఓవర్ చేస్తారేమో చూడాలి మరి.
