హీరోగా గెటప్ శ్రీను.. వెండితెరపై ‘రాజుయాదవ్’గా సందడి!

దిశ, సినిమా : ‘జబర్దస్త్’లో డిఫరెంట్ గెటప్స్, మ్యానరిజమ్స్‌తో అలరించే గెటప్ శ్రీను.. బుల్లితెర కమల్ హాసన్‌గా పేరు తెచ్చుకున్న సంగతి తెలిసిందే. ఈ క్రమంలో వెండితెరపైనా చిన్న చిన్న పాత్రలు పోషించిన శ్రీను.. ప్రస్తుతం ‘ఆచార్య’తో పాటు పూరీ జగన్నాథ్-విజయ్ దేవరకొండ డైరెక్షన్‌లో వస్తున్న ‘లైగర్’ సినిమాల్లో కీ రోల్ ప్లే చేస్తున్నాడు. కాగా ‘రాజు‌యాదవ్’ అనే సినిమాలో హీరో నటిస్తున్నట్టు తెలుస్తోంది. డైరెక్టర్ వేణు ఊడుగుల వద్ద చీఫ్ అసోసియేట్ డైరెక్టర్‌గా పనిచేసిన కృష్ణమాచారి ఈ చిత్రం ద్వారా దర్శకుడిగా పరిచయం అవుతున్నారు. సాయి వరుణవి క్రియేషన్స్ బ్యానర్‌పై ప్రశాంత్ రెడ్డి ఈ చిత్రాన్ని నిర్మిస్తున్నారు. అంకితా ఖారత్ హీరోయిన్‌గా నటిస్తున్న సినిమాకు హర్షవర్దన్ రామేశ్వర్ మ్యూజిక్ అందిస్తున్నారు. ఇక మూవీ యూనిట్ ఈ రోజు(శనివారం) విడుదల చేసిన ఫస్ట్ గ్లింప్స్‌ ఆకట్టుకునేలా ఉంది. ఈ సినిమాకు సాయిరామ్ ఉదయ్ సినిమాటోగ్రఫీ అందించగా, బొంతల నాగేశ్వర్ రెడ్డి ఎడిటర్.