రజినీకాంత్‌కు దాదా సాహెబ్ ఫాల్కే అవార్డు

దిశ, వెబ్ డెస్క్: ప్రముఖ తమిళ నటుడు రజినీకాంత్ కి అరుదైన గౌరవం దక్కింది. భారతీయ సినిమాకు గణనీయమైన సేవ చేసిన వారికి ఇచ్చే దాదా సాహెబ్ ఫాల్కే అవార్డును రజినీకాంత్ కి ప్రదానం చేయనున్నట్లు కేంద్ర మంత్రి ప్రకాష్ జవదేకర్ తెలిపారు. 2019 సంవత్సరానికి గాను 51 వ దాదా సాహెబ్ ఫాల్కే అవార్డును రజినీకి ఇస్తున్నట్లు ఆయన ప్రకటించారు. దీంతో రజినీ అభిమానులు ఆనందాన్ని వ్యక్తం చేస్తున్నారు. ఒక మాములు బస్సు కండెక్టర్ గా కెరీర్ ని మొదలు పెట్టి ఒక సూపర్ స్టార్ రేంజ్ కి ఎదిగిన రజినీకాంత్ జీవితం ప్రతి ఒక్కరికి ఆదర్శప్రాయమని, ఆయనకు ఈ గౌరవం దక్కడం ఆనందమని అభిమానులు పండగ చేసుకుంటున్నారు.