మీ మగ బుద్దే వంకర బుద్ది.. తగ్గేదే లేదంటున్న సమంత
దిశ, వెబ్‌డెస్క్ : సమంత వరస సినిమాలతో దూసుకెళ్తోంది. అంతే కాకుండా అల్లు అర్జున్ హీరోగా సుకుమార్ దర్శకత్వంలో వస్తున్న సినిమా పుష్ప. ఇక ఈ సినిమాలో సమంత ఐటమ్ సాంగ్ చేస్తున్న విషయం తెలిసిందే. బన్నీ మాస్ సెటెప్పులకు సమంత తోడైతే తగ్గేదే లేదన్నట్టు ఉంటుంది. దీంతో ఈ సాంగ్ కోసం అటు అల్లు అర్జున్ ఫ్యాన్స్, ఇటు సమంత ఫ్యాన్స్ ఎంతగానో ఎదురు చూస్తున్నారు.
తాజాగా పుష్ప సినిమా నుంచి ‘ఊ అంటావా.. ఊ ఊ అంటావా..’ లిరికల్ ఐటెం సాంగ్ రిలీజ్ అయ్యింది. ఇందులో సమంత అదరగొట్టే స్టిల్స్‌తో ఆడియెన్స్‌కు చెమటలు పట్టిస్తోంది. ఊ అంటావా మావా ఊ ఊ అంటావా.. మీ మగ బుద్దే వంకర బుద్ది అంటూ సోషల్ మీడియాను షేక్ చేస్తోంది. దీంతో ఈ సినిమాపై భారీ అంచనాలు పెరిగిపోయాయి. ఈ సాంగ్‌లో సమంతను చూసిన వారందరూ సమంత మాములుగా లేదని, డ్యాన్స్ కూడా ఓ రేంజ్‌లో అదరగొట్టేస్తుందంటూ, సమంతకు ఫిదా అయిపోతున్నారు.
