నటనకు విక్రమ్ స్వస్తి.. కారణం కొడుకేనా?
హీరో విక్రమ్ సినిమాల్లో ప్రయోగాలకు కేరాఫ్ అడ్రస్. అయితే కొడుకు ధృవ్ విక్రమ్ సినిమాల్లోకి ఎంట్రీ ఇవ్వడంతో విక్రమ్ సినిమాల నుంచి తప్పుకుంటున్నారు అనే వార్తలు వచ్చాయి. కొడుకు కెరియర్ ను దృష్టిలో ఉంచుకుని విక్రమ్ ఈ నిర్ణయం తీసుకున్నారని మీడియాలో న్యూస్ రావడంతో అభిమానులు నిరాశకు లోనయ్యారు. అదేంటి విక్రమ్ సినిమాలకు శాశ్వతంగా దూరం కావడం ఏంటని బాధపడుతున్నారు. విక్రమ్ తప్పకుండా సినిమాల్లో కొనసాగాలని కోరుతున్నారు.
దీంతో ఈ వార్తలపై స్పందిస్తూ… విక్రమ్ పిఆర్వో బదులిచ్చారు. ప్రస్తుతం కోబ్రా సినిమాతో బిజీగా ఉన్న విక్రమ్… సినిమాలకు స్వస్తి చెప్తారనే వార్తల్లో నిజం లేదని స్పష్టం చేశారు. కోబ్రా తర్వాత మణిరత్నం డైరెక్షన్ లో ఓ సినిమా, 7 స్క్రీన్ స్టూడియో బ్యానర్ లో మరో సినిమా చేయబోతున్నారని ప్రకటించారు. దీంతో అభిమానుల్లో నెలకొన్న సందేహాలకు సమాధానం దొరికింది.
Tags: Vikram, Dhruv Vikram, Kollywood, PRO
