రామ్ పోతినేనితో రొమాన్స్‌కు శ్రీకారం హీరోయిన్?

దిశ, సినిమా : ఎనర్జిటిక్ హీరో రామ్ పోతినేని ‘ఇస్మార్ట్ శంకర్’ బ్లాక్ బస్టర్ తర్వాత ‘రెడ్’ సినిమాతో సక్సెస్ అందుకున్నాడు. ప్రస్తుతం కోలీవుడ్ డైరెక్టర్ ఎన్.లింగుస్వామి కాంబినేషన్‌లో ఓ సినిమా చేస్తున్నాడు. శ్రీనివాసా సిల్వర్ స్క్రీన్ బ్యానర్‌పై నిర్మితమవుతున్న ఈ సినిమా.. స్టైలిష్‌గా ఉంటూనే మాస్ ఎలిమెంట్స్‌తో అలరిస్తుందని తెలుస్తోంది. ఇక ఈ చిత్రంలో ‘ఉప్పెన’ ఫేమ్ కృతిశెట్టి హీరోయిన్‌గా నటిస్తున్నట్లు అఫీషియల్‌గా అనౌన్స్ చేసిన ఫిల్మ్ మేకర్స్.. సెకండ్ హీరోయిన్‌ కోసం ప్రియాంక అరుల్ మోహన్‌ను సంప్రదించినట్లు తెలుస్తోంది. కాగా ప్రియాంక ఇప్పటికే ‘గ్యాంగ్ లీడర్, శ్రీకారం’ చిత్రాలతో ప్రేక్షకులకు ‘ప్రియ’మైన నటిగా మారింది.