ప్రీతీ జింతా జోస్యం.. తొలి రోజే చెప్పిందట!

దిశ, సినిమా : బాలీవుడ్ హీరోయిన్ ప్రీతీ జింతా ‘దిల్ చాహతా హై’ రిలీజై 20 ఏళ్ల సందర్భంగా స్పెషల్ పోస్ట్ పెట్టింది. ఫర్హాన్ అక్తర్ ఫస్ట్ డైరెక్టోరియల్‌గా వచ్చిన సినిమా కల్ట్ హిట్‌గా నిలుస్తుందని ఫస్ట్ డే షూట్ రోజే చెప్పానని.. కానీ ఫర్హాన్ నవ్వేశాడని ఇప్పుడదే నిజమైందని చెప్పింది. అలాగే ఫర్హాన్ డైరెక్షన్‌లో సినిమా అని చెప్పగానే అందులో భాగమయ్యేందుకు హ్యాపీగా ఫీల్ అయ్యానని చెబుతూ.. కొన్ని నెలల తర్వాత ప్రాజెక్ట్‌కు సైన్ చేశానని, సెట్స్‌లో చాలా ఫన్ ఉండేదని తెలిపింది. అమీర్ ఖాన్, సైఫ్ అలీఖాన్, అక్షయ్ ఖన్నా, డింపుల్ కపాడియా నటించిన సినిమా షూటింగ్ చాలా ఎంజాయ్ చేశానని, ఆ మ్యాడ్ డేస్ గుర్తుతెచ్చుకుంటే వెంటనే పెదాలపై నవ్వొస్తుందని, ఇంత గొప్ప ఫిల్మ్ చేసినందుకు గర్వంగా ఉందని వివరించింది.