వకీల్ సాబ్‌కు పైరసీ దెబ్బ.. HD ప్రింట్ ఏకంగా..

దిశ, వెబ్‌డెస్క్: పవర్ స్టార్ పవన్ కల్యాణ్ హీరోగా వేణు శ్రీరామ్ తెరకెక్కించిన పింక్ రీమేక్ ‘వకీల్ సాబ్’ ఇవాళ ప్రపంచవ్యాప్తంగా విడుదలై పాజిటివ్ రెస్పాన్స్‌ను మూటకట్టుకుంటోంది. సెకండాఫ్, కోర్టు సీన్లు, పవన్ డైలాగ్స్, బ్యాగ్రౌండ్ స్కోర్ బాగుందనే టాక్ వినిపిస్తోంది. చాలాకాలం తర్వాత పవన్ సినిమా రావడంతో పవన్ ఫ్యాన్స్ పండుగ చేసుకుంటున్నారు.

అయితే వకీల్ సాబ్‌పై పైరసీ దెబ్బ పడటం ఇప్పుడు అభిమానులను కలిచివేస్తుంది. వకీల్ సాబ్ హెచ్‌డీ పింట్లు ఇప్పుడు పైరసీ వెబ్‌సైట్స్ అయిన Tamilrockers, Telegram, Movierulz వెబ్‌సైట్లలో అందబాటులో వచ్చాయి. దీనిపై స్పందించిన నిర్మాణ సంస్థ శ్రీ వెంకటేశ్వర క్రియేషన్స్.. పైరసీకి నో చెప్పండి అని ట్వీట్ చేసింది. పైరసీ లింక్‌లను [email protected]కి మెయిల్ చేయాలని కోరింది.