ఇళయ దళపతి ఫ్యాన్స్‌కు గుడ్ న్యూస్.. ‘బీస్ట్‌’నుంచి మరో అప్‌డేట్
దిశ, సినిమా: సౌత్ ఇండస్ర్టీలో వరుస సినిమాలతో దూసుకుపోతున్న పూజా హెగ్డే.. ప్రస్తుతం తమిళ స్టార్ హీరో విజయ్ ‘బీస్ట్‌’లో నటిస్తోంది. ప్రస్తుతం ఈ మూవీ షూటింగ్ చెన్నైలో జరుగుతుండగా.. ఇన్‌స్టాగ్రామ్ ద్వారా లేటెస్ట్ అప్‌డేట్ ఇచ్చింది భామ. ‘తమిళ ప్రేక్షకులు ‘బీస్ట్‌’ కోసం చాలా ఆసక్తిగా ఎదురుచూస్తున్నారు. నేనూ కూడా అంతే ఎగ్జయిట్‌మెంట్‌తో ఉన్నాను. ప్రేక్షకులకు మంచి సినిమా అందివ్వాలని మూవీ యూనిట్ చాలా కష్టపడుతోంది. ఇప్పటికే 80శాతం షూటింగ్‌కు సంబంధించిన ప్లాన్ సిద్ధమైంది’ అని తెలిపింది.
ఇక ఈ సినిమా షూటింగ్ ఎక్కువ శాతం జార్జియాలోనే ప్లాన్ చేయగా.. మూవీ యూనిట్ అక్కడే కశ్మీర్‌ను తలపించేలా భారీ సెట్ సిద్ధం చేసినట్లు తెలుస్తోంది. ఇక విజయ్ ఆర్మీ అధికారిగా నటిస్తున్న ఈ మూవీలో.. భారత్ పాక్ సరిహద్దుల్లో కొన్ని సన్నివేశాలు తెరకెక్కిస్తున్నట్లు టాక్. నెల్సన్‌ దిలీప్‌కుమార్‌ దర్శకత్వంలో తెరకెక్కుతున్న ఈ మూవీ నెక్స్ట్ ఇయర్ విడుదల కానుండగా.. పూజ ప్రస్తుతం ‘ఆచార్య’, ‘రాధే శ్యామ్’ సినిమాల్లో నటిస్తు్న్న సంగతి తెలిసిందే.
హార్ట్ బ్రేక్ చేసిన విష్ణు ప్రియ.. సింగిల్‌గా ఉండనంటూ పోస్ట్
- Tags
- Beast
