కోలీవుడ్‌లోనూ పూజాహెగ్డే హవా…

దిశ, వెబ్‌డెస్క్: హీరోయిన్ పూజా హెగ్డే జోరు మీదుంది. హిట్ల మీద హిట్లు కొడుతూ.. ఛాన్స్‌ల మీద ఛాన్స్‌లు కొట్టేస్తుంది. టాలీవుడ్‌లో లేటెస్ట్‌గా ‘అల వైకుంఠపురంలో’ సినిమాతో హిట్ అందుకున్న ఈ భామ… ‘బాహుబలి’ ప్రభాస్ పిరియాడికల్ లవ్ స్టోరి ‘ఓ డియర్’, అఖిల్ అక్కినేని ‘మోస్ట్ ఎలిజబుల్ బ్యాచిలర్’ సినిమాలతో బిజీగా ఉంది. ఈ చిత్రాలు హిట్ అయితే.. అమ్మడు రేంజ్ ఎలా ఉంటుందో అర్ధం చేసుకోవచ్చు.

తెలుగులో ఇప్పటికే పలు సినిమా కథలు వింటోన్న పూజా.. దర్శకుల మోస్ట్ వాంటెడ్ హీరోయిన్ అయిపోగా… తమిళంలోనూ తన హవా చూపించాలని ట్రై చేస్తోంది. ఈ క్రమంలోనే హీరో సూర్య సినిమాలో క్రేజీ చాన్స్ కొట్టేసింది. దర్శకుడు హరి తెరకెక్కిస్తున్న ‘అరువా’ సినిమా కోసం చాలా మంది హీరోయిన్లను అనుకున్నా… పూజాను ఫైనల్ చేశారని కోలీవుడ్ టాక్. అంతేకాదు అటు బాలీవుడ్‌లోనూ పాగా వేయాలని ప్రయత్నిస్తోన్న పూజా… తాజాగా ‘హౌజ్ ఫుల్ 4’ తో హిట్ అందుకుంది.

Tags : Pooja Hegde, Kollywood, Suriya, Aruva