తానన్న మాటలపై బుట్టబొమ్మ క్లారిటీ

దిశ, వెబ్‌డెస్క్: బుట్ట బొమ్మ పూజా హెగ్డే ఇటీవల ఓ ఇంటర్వ్యూలో టాలీవుడ్‌‌పై అనుచిత వ్యాఖ్యలు చేసిందంటూ సోషల్ మీడియా వేదికగా కొన్ని ఆరోపణలు వ్యక్తం అవుతున్నాయి. టాలీవుడ్‌లో గ్లామర్‌నే చూస్తారని, సౌత్ ఇండియన్స్ నడుము మత్తులో ఉన్నారని ఇంటర్వ్యూలో పూజ అందని పలువురు విమర్శలు చేస్తున్నారు.

ఈ నేపథ్యంలో తన మాటలపై పూజా హెగ్డే క్లారిటీనిస్తూ..ఓ లెటర్ విడుదల చేసింది. తాను ఇంటర్వ్యూలో అన్న మాటలను వేరే సందర్భానికి అన్వయిస్తున్నారని, అక్షరం మార్చగలరేమో కానీ, అభిమానాన్ని కాదని తెలిపింది. ఎప్పటికీ తెలుగు చలనచిత్ర పరిశ్రమ తనకు ప్రాణసమానమని పేర్కొంది. తనకెంతో ఇచ్చిన తెలుగు ఇండస్ట్రీకి ఎప్పటికీ రుణపడి ఉంటానని చెప్పింది. ఇంతటితో ఈ వివాదానికి ఫుల్‌స్టాప్‌ పడుతుందేమో చూద్దాం.మరి..