బీజేపీకి బిగ్ షాక్.. గులాబి గూటికి మరో కీలక నేత

దిశ, డైనమిక్ బ్యూరో: మునుగోడు ఉప ఎన్నిక తేదీ సమీపిస్తున్న వేళ తెలంగాణలో రాజకీయ పార్టీల మధ్య వలసలు జోరందుకున్నాయి. తాజాగా బీజేపీ నేత, మాజీ ఎంపీ రాపోలు ఆనంద్ భాస్కర్ ఆ పార్టీకి రాజీనామా చేశారు. బుధవారం తన రాజీనామా లేఖను బీజేపీ జాతీయ అధ్యక్షుడు జేపీ నడ్డాకు పంపించారు. రెండు రోజుల క్రితం ప్రగతి భవన్ లో ముఖ్యమంత్రి కె.చంద్రశేఖర్ రావుతో ఆనంద్ భాస్కర్ భేటీ అయ్యారు.

ఈ సందర్భంగా చేనేత రంగానికి చెందిన కుటుంబం నుంచి వచ్చిన తాను కేంద్ర ప్రభుత్వ విధానాల పట్ల అసంతృప్తితో ఉన్నానని, బీజేపీకీ రాజీనామా చేసి టీఆర్ఎస్‌లో చేరుతానని సీఎంతో చెప్పారు. రాష్ట్రంలో అమలవుతున్న సంక్షేమ పథకాలు, అభివృద్ధి కార్యక్రమాలపై ప్రశంసలు కురిపించారు. ఈ నేపథ్యంలో ఆయన పార్టీ మారడం దాదాపుగా ఖరారు కాగా ఈ మేరకు ఇవాళ బీజేపీకి రాజీనామా చేశారు. మరి కాసేపట్లో ఆయన టీఆర్ఎస్ తీర్థం పుచ్చుకునే అవకాశాలు ఉన్నాయి.

బట్టలు ఊడదీసి కొడ్తరు.. TRS ఎమ్మెల్యేకు RSP స్ట్రాంగ్ వార్నింగ్