టీం ఇండియాకు మోడీ ‘అల్ ది బెస్ట్’
నేడు జరగనున్నఇండియా vs ఆస్ట్రేలియా మహిళల టీ20వరర్డ్ కప్‌లో భారత మహిళా ఆటగాళ్లు సత్తా చాటాలని ప్రధాని మోడీ ఆకాంక్షించారు. టైటిల్ ఫేవరెట్‌గా బరిలో దిగిన ఇండియా అద్భుత ప్రదర్శన చేయాలని కోరారు. అంతేకాకుండా ఇరు జట్లకు మహిళా దినోత్సవ శుభాకాంక్షలు తెలిపారు. ఈ విధంగా మోడీ తన అధికారిక ట్విట్టర్ ఖాతాలో శనివారం సాయంత్రం ట్వీట్ చేశారు.అలాగే ఆస్ట్రేలియా ప్రధాని స్కాట్ మారిసన్ కూడా ఈ మ్యాచ్ పై స్పందించారు. రెండు గొప్పటీమ్‌లు ఆదివారం మెల్‌బోర్న్ వేదికగా తలపడనున్నాయని, ఆమ్యాచ్ కోసం అభిమానులంతా ఉత్కంఠగా ఎదురుచూస్తున్నట్టు ట్వీట్ చేశారు.ఇప్పటికే ఆస్ట్రేలియా మహిళల జట్టు 4సార్లు టీ20వరల్డ్ కప్ గెలవగా ఐదోసారి కూడా కప్ సొంతం చేసుకోవాలని ఉవ్విళ్లురుతోంది.కానీ టీం ఇండియా మహిళల జట్టు మొదటిసారి కప్ కొట్టేందుకు తహతహ లాడుతోంది. మన బౌలింగ్ లైనప్ బాగానే ఉన్నా, బ్యాటింగ్ లైనప్ విఫలమవుతుండటం కొంత ఆందోళన కలిగించే అంశం. ఏదెమైనా నేడు జరిగే మ్యాచ్‌లో ఆటగాళ్లు సమిష్టిగా కృషి చేసి భారత్‌కు కప్ అందిస్తారని అభిమానులు విశ్వసిస్తున్నట్టు తెలుస్తోంది.
