బండి సంజయ్‌‌కు ప్రధాని ఫోన్.. ఏం అన్నారంటే?

దిశ, వెబ్‌డెస్క్ : బీజేపీ రాష్ట్ర అధ్యక్షుడు, కరీంనగర్ ఎంపీ బండి సంజయ్‌కు శనివారం ఉదయం భారత ప్రధాని నరేంద్రమోడీ ఫోన్ చేశారు. జీహెచ్ఎంసీ ఎన్నికల్లో బీజేపీ సత్తా చాటడంపై శుభాకాంక్షలు తెలిపారు. అంతేకాకుండా, బీజేపీ గెలుపుకోసం కృషి చేసిన నాయకులు, కార్యకర్తలకు ప్రధాని అభినందనలు తెలిపారు. అనంతరం కేంద్రంహోం శాఖ మంత్రి అమిత్ షా కూడా సంజయ్‌కు విషెస్ చెప్పారు.

రానున్న రోజుల్లో పార్టీని మరింత ముందుకు తీసుకెళ్లాలని సూచించినట్లు సమాచారం. కాగా, గ్రేటర్ హైదరాబాద్ ఎన్నికల్లో బండి సంజయ్ సారథ్యంలో బీజేపీ 48 స్థానాలకు కైవసం చేసుకుకుని సెకండ్ లార్జెస్ట్ పార్టీగా అవతరించింది. 2016లో కేవలం నాలుగు సీట్లు సాధించిన బీజేపీ 2020 ఎన్నికల్లో ఏకంగా 48 సీట్లు గెలవడంతో పాటు రాష్ట్రంలో అధికారపార్టీకి గట్టి సవాల్ విసురుతోంది.