ఐదుగురు గంజాయి వ్యాపారులపై పిడి యాక్ట్

దిశ, శేరిలింగంపల్లి: ప్రజా శాంతిభద్రతలకు విఘాతం కలిగించే డ్రగ్స్ వ్యాపారులపై కొనసాగుతున్న డ్రైవ్‌లో భాగంగా సైబరాబాద్ పోలీస్ కమిషనర్ స్టీఫెన్ రవీంద్ర ఐదుగురు గంజాయి పెడ్లర్లపై పీడీ చట్టం ప్రయోగించారు. మహారాష్ట్రకు చెందిన రవి గంగారామ్ చౌహాన్, రాజేంద్ర సీతారాం చవాన్, సఖారం వసంత్ జాదవ్, రవి నింగప్ప ధనశెట్టి, శశికాంత్ రాజు రాథోడ్‌ గంజాయి డ్రగ్స్ సరఫరా చేస్తూ.. గతంలో పోలీసులకు పట్టుబడ్డారు.

సెప్టెంబర్ 26న ఆంధ్రప్రదేశ్ డొంకరాయి నుండి గంజాయిని సేకరించి రెండు స్విఫ్ట్ డిజైర్ కార్లలో మహారాష్ట్రకు తరలిస్తుండగా మేడ్చల్ పోలీసులు పట్టుకున్నారు. వారి వద్ద నుంచి దాదాపు 47 కిలోల గంజాయిని స్వాధీనం చేసుకున్నారు. తాజాగా ఈ ఐదుగురిపై పీడీ యాక్ట్ ప్రయోగించారు సైబరాబాద్ సీపీ.