Allu Shirish: ఓటీటీలోకి రాబోతున్న అల్లు శిరీష్ బడ్డీ.. స్ట్రీమింగ్ ఎక్కడ, ఎప్పుడంటే? (పోస్ట్)

దిశ, సినిమా: టాలీవుడ్ యంగ్ హీరో అల్లు శిరీష్ రెండేళ్ల తర్వాత బడ్డీ మూవీతో ఇండస్ట్రీకి రీఎంట్రీ ఇచ్చిన సంగతి తెలిసిందే. ఈ సినిమాకు సామ్ అంటోన్ తెరకెక్కించగా.. గాయత్రీ భరద్వాజ్ హీరోయిన్‌గా నటించింది. అలాగే ఇందులో అజ్మల్ అమీర్, ముఖేష్ రిషి, అలీ, ప్రిషా రాజేష్ సింగ్ వంటి వారు కీలక పాత్రలో నటించారు. ఇక బడ్డీ మూవీని స్టూడియో గ్రీన్ ఫిల్మ్ ప్రైవేట్ లిమిటెడ్‌పై K. E. జ్ఞానవేల్ రాజా, ఆధాన జ్ఞానవేల్‌రాజా నిర్మించారు. ఈ చిత్రం ఆగస్టు 2న థియేటర్స్‌లో విడుదలై పాజిటివ్ టాక్ తెచ్చుకుంది. దీంతో అల్లు శిరీష్ ఫ్యాన్స్ బడ్డీ ఓటీటీ‌లో ఎప్పుడెప్పుడు రిలీజ్ అవుతుందా అని ఆతృతగా ఎదురు చూస్తున్నారు.

ఈ క్రమంలో.. తాజాగా, బడ్డీ మూవీ డిజిటల్ స్ట్రీమింగ్‌పై అధికారిక ప్రకటన విడుదలైంది. ఈ మూవీ ఓటీటీ హక్కులను ప్రముఖ సంస్థ నెట్‌ఫ్లిక్స్ సొంతం చేసుకుంది. ఆగస్టు 30 నుంచి తెలుగు, తమిళ, మలయాళ, కన్నడ భాషల్లో స్ట్రీమింగ్ అందుబాటులోకి రానున్నట్లు ట్విట్టర్ వేదికగా నెట్‌ఫ్లిక్స్ పోస్టర్‌ను విడుదల చేసింది. కానీ హిందీ వెర్షన్‌కు సంబంధించిన విషయాలు మాత్రం చెప్పలేదు.