మాస్టర్ పాటకు ఐటెం గర్ల్ జబర్దస్తీ డాన్స్

దిశ, సినిమా : హిందీతో పాటు పలు సౌత్ మూవీస్‌‌లో ఐటెం సాంగ్స్‌తో అదరగొట్టిన నోరా ఫతేహి ప్రస్తుతం డాన్స్ రియాలిటీ షో ‘డాన్స్ దివానే 3’కి జడ్జిగా వ్యవహరిస్తోంది. తాజాగా ఈ షో అప్‌కమింగ్ ఎపిసోడ్‌కు సంబంధించిన లేటెస్ట్ ప్రోమోను రిలీజ్ చేశారు. ఈ ప్రోమోలో ఇళయ దళపతి విజయ్ హిట్ సాంగ్‌కు కంటెస్టెంట్లతో కలిసి కాలు కదిపింది. ఈ ప్రోమోలో ‘వాతి కమింగ్’ పాటకు కెనడియన్ మోడల్ నోరా వేసిన స్టెప్పులు నిజంగానే వావ్ అనేలా ఉన్నాయి.

కాగా ఈ వీడియోను షేర్ చేసిన కలర్స్ టీవీ.. ‘మా కంటెస్టెంట్లతో కలిసి నోరా ఫతేహి జబర్దస్త్ డాన్స్ మస్తీని #DanceDeewane3లో శనివారం రాత్రి 9 గంటలకు కలర్స్‌ టీవీలో చూడండి’ అని క్యాప్షన్ పెట్టింది. కాగా వరల్డ్ వైడ్‌గా పాపులర్ అయిన ‘వాతికమింగ్’ సాంగ్‌కు పలువురు ఫిలిం సెలబ్రిటీలతో పాటు క్రికెటర్లు డాన్స్ చేసిన వీడియోలు సోషల్ మీడియాలో వైరల్ అయిన సంగతి తెలిసిందే.