హాలీవుడ్‌కు ఎంట్రీ ఇస్తున్న నీతూ చంద్ర

దిశ, వెబ్‌డెస్క్ : బాలీవుడ్ హీరోయిన్ నీతూ చంద్ర హాలీవుడ్ ఎంట్రీ ఇచ్చేస్తోంది. కెల్లీ మాడిసన్ డైరెక్షన్‌లో వస్తున్న ‘నెవర్ బ్యాక్ డౌన్ : రీవోల్ట్‌’తో హాలీవుడ్‌కు పరిచయం కాబోతోంది. జేమ్స్ ఫాల్క్‌నర్, మైఖేల్ బిస్పింగ్, ఒలివియా పోపికాతో స్క్రీన్ షేర్ చేసుకోబోతున్న నీతు.. ఈ సినిమాలోని పాత్రను తన రియల్ లైఫ్ పర్సనాలిటీ బేస్ చేసుకుని రాశారని తెలిపింది. ‘బ్యాడ్ బాయ్స్’ స్క్రీనింగ్ టైమ్‌లో నిర్మాత డేవిడ్ జెలోన్‌ను కలిశానని.. ఆ తర్వాత హాలీవుడ్‌లో ఇండియన్ యాక్టర్స్‌ గురించి తనతో కన్వర్జేషన్ జరిగిందని వెల్లడించింది. తను థైక్వాండోలో బ్లాక్ బెల్ట్ ఫోర్త్ డాన్ అని తెలిశాక.. నిర్మాత నుంచి ఎగ్జైటింగ్ న్యూస్ విన్నానని.. అదే ‘నెవర్ బ్యాక్ డౌన్’ ఫ్రాచైంజీలో చాన్స్ అని తెలిపింది. వెంటనే రైటర్స్‌ను కలవాలని సూచించారని చెప్పుకొచ్చింది.

స్పోర్ట్స్, యాక్టింగ్ కోర్సులకు అమ్మాయిలను దూరంగా ఉంచే బిహార్ ప్రాంతం నుంచి వచ్చిన తను స్టార్‌గా ఎదిగే క్రమాన్ని రైటర్స్‌కు వివరించడంతో చాలా గ్రేట్‌గా ఫీల్ అయ్యారని తెలిపింది నీతు. అదే విషయాన్ని నిర్మాతకు రైటర్స్ చెప్పగా.. నీతు కథనే సినిమాలో క్యారెక్టర్ అయిపోయిందట. జయ పాత్రను డిజైన్ చేసిన ఫిల్మ్ మేకర్స్.. ఈ ఫిమేల్ ఓరియంటెడ్ సినిమాలో నీతును ఫైటర్‌గా చూపించబోతున్నారు. కిడ్నాపర్ల నుంచి తనను తాను రక్షించుకునే క్రమంలో ఫైట్ చేయాల్సి ఉండగా.. ఈ యాక్షన్ సీక్వెన్స్ కూడా తనే సొంతంగా చేశానని చెప్పింది నీతు.