నెక్లస్ రోడ్ నయా లుక్…

దిశ సిద్దిపేట: కోమటి చెరువు ప్రాంతంలో ఇటీవల మంత్రి హరీష్ రావు ప్రారంభించిన నెక్లస్ రోడ్డు నయా లుక్‌ను సంతరించుకుంది. వాకింగ్, రన్నింగ్ ప్రియులకు మంత్రి హరీష్ రావు శుభవార్త అందించారు. నెక్లస్ రోడ్డు పనులు దశలవారీగా జరుగుతున్న నేపధ్యంలో సింథటిక్ ట్రాక్ పనులు ముమ్మరంగా సాగుతున్నాయి. పనులను మంత్రి హరీష్ రావు ఎప్పటికప్పుడు పర్యవేక్షణ చేస్తున్నారు.

అథ్లెటిక్ ఇక నెక్లస్ రోడ్డు పైనే

సింథటిక్ ట్రాక్ పై రన్నింగ్, వాకింగ్ చేయడం వలన ఆరోగ్యానికి ఎంతో మేలు జరుగుతుందని హరీష్ రావు భవిష్యత్ దృష్టిలో పెట్టుకొని సిద్దిపేట ప్రజల మంచి ఆరోగ్యం కొరకు వాకింగ్, రన్నింగ్ చేసేందుకు సింథటిక్ ట్రాక్ ఏర్పాటు చేశారు. ఈ అథ్లెటిక్ సింథటిక్ ట్రాక్ మహా నగరాల్లో చూస్తాం ఆ తరహలో సిద్దిపేటలో హరీష్ రావు ప్రత్యేక చొరవతో ఏర్పాటు చేయడం జరిగింది. త్వరలోనే సిద్దిపేట ప్రజలకు ముఖ్యంగా రన్నింగ్, వాకింగ్ చేసే వారికి మంచి ఆవకాశం రానుంది.