Prasanth Varma: నందమూరి అభిమానులకు ప్రశాంత్ వర్మ లేటెస్ట్ మూవీ టెన్షన్..!
దిశ, వెబ్ డెస్క్ : బాలయ్య (Nandamuri Balakrishna) కొడుకు మోక్షజ్ఞ ( Mokshagna Teja) బాధ్యత ప్రశాంత్ వర్మ (Prasanth Varma) చేతిలో పెట్టిన విషయం తెలిసిందే. అసలే మొదటి సినిమా. ఏ చిన్న తేడా వచ్చిన కష్టమవుతుంది. అందుకే, మా బాలయ్య వారసుడి ఫస్ట్ మూవీ అదిరిపోవాల్సిందే అని అభిమానులు కోరుకుంటున్నారు. యాక్షన్ జానర్‌లో కాకుండా.. ఇంత వరకు రాని కథతో తెరకెక్కించాలని కోరుతున్నారట.
నందమూరి బాలకృష్ణ వారసుడు మోక్షజ్ఞ సినీ ఎంట్రీ కోసం ఫ్యాన్స్ ఎంతగానో ఎదురుచూస్తున్నారు. బాలయ్య కొడుకు, హనుమాన్ దర్శకుడు ప్రశాంత్ వర్మ కాంబోలో త్వరలో కొత్త సినిమా రానుంది. ఆ మూవీ కోసం తెలుగు సినీ ఇండస్ట్రీ తో పాటు నందమూరి అభిమానులు కూడా వెయిట్ చేస్తున్నారు. ఇప్పటికే మోక్షజ్ఞ పుట్టిన రోజు సందర్భంగా ఒక స్టైలిష్ లుక్ విడుదల చేశారు. ఇప్పుడు, మరో క్లోజ్ లుక్‌తో ఉన్న ఫోటో చిత్ర బృందం రిలీజ్ చేసింది.
మోక్షజ్ఞ లేటెస్ట్ లుక్ పోస్టర్ రిలీజ్ చేయడంతో మొదటి సినిమా యాక్షన్ జానర్‌లో తీయొద్దంటూ కామెంట్స్ చేస్తున్నారు. హనుమాన్, దేవకీ నందన లాంటి కథలు కాకుండా కొత్త కథతో మోక్షజ్ఞను ఇంట్రడ్యూస్ చేయాలని ఫ్యాన్స్ కోరుతున్నారు. మరి, ప్రశాంత్ వర్మ ఎలాంటి కథతో మోక్షజ్ఞను ఇంట్రడ్యూస్ చేయబోతున్నారో తెలియాలంటే కొన్ని రోజులు ఆగాల్సిందే.
