తాగునీటి తంటాలు..పట్టించుకోవడం లేదని నిరసన

దిశ, రేగోడ్ : నెలల తరబడిగా తాగునీటి ఇబ్బందులు కలుగుతున్న పట్టించుకునే వారే కరువయ్యారని రేగోడ్ బీసీ కాలనీ మహిళలు శనివారం నిరసన వ్యక్తం చేశారు. ప్రస్తుతానికి స్థానికంగా ఒక రోజు విడిచి మరొక రోజు వస్తున్న నీరు తమ వీధిలో సరిగ్గా రాని కారణంగా చాలా అవస్థలు పడుతున్నామని ఆందోళన చేపట్టారు.సమస్య పరిష్కారించాల్సిన అధికారులు రావడం పోవడం తప్ప నీటిని అందించే సరియైన చర్యలు అమలు చేయడం లేదని ఆరోపించారు. నాయకులు సైతం నిమ్మకు నీరెత్తినట్లు వ్యవహరిస్తున్నారని ఆగ్రహం చెందారు. తగు చర్యలు తీసుకోకపోతే అధికారులు, నాయకులను నిలదీస్తామని తెలిపారు. ఉన్నతాధికారులు స్పందించి మంచి నీటిని అందించే చర్యలు ఇకనైనా తీసుకోవాలని వారు కోరారు.