Sunitha Williams: సునీత విలియమ్స్ జీతం ఎంత? అంతరిక్షంలో ఓవర్ టైమ్ సునీతాకు ఇచ్చే పరిహారం ఎంతో తెలిస్తే ఆశ్చర్యపోతారు
దిశ, వెబ్‌డెస్క్: Sunitha Williams: ఇంకొన్ని గంటల్లో సునీతా విలియమ్స్ భూమ్మీదకు తిరిగిరానున్నారు. అయితే అంతరిక్షంలో 9నెలల పాటు గడిపిన సునితాకు సానా ఎంత కాంపెన్సేషన్ ఇస్తోందో మీకు తెలుసా? అసలు సునీతా విలియమ్స్ జీతం ఎంతో తెలిస్తే మీరు షాక్ అవ్వడం పక్కా.
తొమ్మిది నెలల పాటు అంతరిక్షంలో చిక్కుకుపోయిన వ్యోమగాములు సునీతా విలియమ్, బుచ్ విల్మోర్ లు ఇంకొన్ని గంటల్లోనే భూమికి తిరిగిరానున్నారు. ఈ ఘట్టం కోసం ప్రపంచం అంతా ఎంతో ఆసక్తిగా ఎదురుచూస్తోంది. ఒక వారం కోసం జూన్ లో స్పేస్ కు వెళ్లిన ఈ ఇద్దరు వ్యోమగాములు..అనుకోని పరిస్థితుల్లో 9 నెలలపాటు ఐఎస్ఎస్ లో ఉండాల్సిన పరిస్థితి వచ్చింది. ఈ కాల వ్యవధికి సునీతా విలియమ్స్, బుక్ విల్మోర్ కు ఓవర్ టైం కాంపెన్సేషన్ ఏమైనా ఉంటుందా. వ్యోమగాములకు నాసా ఇప్పుడు ఎంత పరిహారం చెల్లిస్తుంది అని తెలుసుకోవాలనే ఆసక్తి చాలా మందిలో ఉంది. అసలు సునీతా విలియమ్స్ జీతం ఎంతో తెలుసుకుందాం.
నాసా మాజీ వ్యోమగామి కాడీ కోల్ మన్ ప్రకారం అస్ట్రో నాట్స్ కు సాధారణ జీతాలు మాత్రమే ఉంటాయి. ఓవర్ టైమ్ అంటూ ఏదీ ఉండదు. జీతంతోపాటు అంతరిక్షంలోకి వెళ్లి రావడానికి ట్రాన్స్ పోర్టు ఖర్చులు, బస చేయడం, తింటి వంటి వాటిని నాసా కవర్ చేస్తుంది. అయితే ఏదైనా అనుకోని ఘటన జరిగి ఐఎస్ఎస్ లోనే ఉండిపోవాల్సిన పరిస్థితి వచ్చినట్లయితే ఇన్సిడెంటల్స్ పేరుతో నాసా వ్యోమగాములకు డబ్బులు చెల్లిస్తుంది. అది చాలా తక్కువగానే ఉంటుంది అని తెలిపారు.
సునీతా విలియమ్స్, బుచ్ విల్మోర్ లు జీఎస్ 15 ఫెడరల్ గవర్నమెంట్ ఉద్యోగుల జాబితాలో ఉన్నారు. ఈజీఎస్ 15 జాబితాలోని ఉద్యోగులు అమెరికాలోనే అత్యధిక జీతం అందుకుంటున్న జాబితాలో ఉన్నారు. వీరి బేసిక్ సాలరీ 1,25,133 డాలర్ల నుంచి 1,62,672 డాలర్ల ( భారత కరెన్సీలో రూ. 1.08 కోట్ల నుంచి రూ. 1.41కోట్ల మధ్య) ఉంటుంది. అయితే ఈ ఇద్దరు వ్యోమగాములు అంతరిక్షంలో చిక్కుకుపోయారని నాసా చెప్పడం లేదు. 9 నెలలు గడుస్తున్నా వారు ఐఎస్ఎస్ లోనే సాధారణంగా విధులు నిర్వహిస్తున్నారంటూ స్పష్టం చేస్తోంది. ఫలితంగా వీరికి 9 నెలల జీతం మాత్రమే అందుతుంది. అంటే 287 రోజులు అంతరిక్షంలో గడిపిన సునీతా విలియమ్స్ రోజుకు 347 రూపాయలు మాత్రమే చెల్లిస్తున్నట్లు.
అంటే వీరిద్దరికి 9 నెలల కాల వ్యవధికి 93,830 డాలర్ల నుంచి 1, 22,044 డాలర్ల మధ్యలో జీతాలు అందే ఛాన్స్ ఉంటుంది. కాంపెన్సెషన్ కూడా కలుపుకుంటే సునీతా విలియమ్స్, బుచ్ విల్మోర్ కు 94,998 డాలర్ల నుంచి 1,23,152 డాలర్ల వరకు ఉంటుంది.
కాగా గత ఏడాది జూన్ లో బోయింగ్ స్టార్ లైనర్ లో అంతరిక్షంలో ఐఎస్ఎస్ కి వెళ్లారు. వారం తర్వాత వీరు భూమికి తిరిగి రావాల్సి ఉంది. కానీ స్టార్ లైన్ లోని ప్రొపల్షన్ లో వచ్చిన సమస్యల కారణంగా ఆ స్పేస్ క్రాఫ్ట్ ప్రమాదకరంగా మారి..వారు అక్కడే చిక్కుకున్నారు. స్టార్ లైనర్ ఒంటరిగానే భూమికి తిరిగి వచ్చింది.
ఇప్పుడు అంతరిక్షంలో చిక్కుకున్న వ్యోమగాములను తీసుకువచ్చేందుకు స్పేస్ ఎక్స్ క్రూ 10 మిషన్ ఐఎస్ఎస్ కు వెళ్లింది. ఈ మిషన్ లో భాగంగా స్థానిక కాలమానం ప్రకారం మంగళవారం సాయంత్రం 5గంటల 57 నిమిషాలకు వ్యోమగాములు గల్ఫ్ ఆఫ్ మెక్సికో తీరం వద్ద నీటిలో దిగుతారు.
Sunita Williams: ఎట్టకేలకు భూమిపైకి రానున్న సునితా విలియమ్స్
