Modi పై వివాదాస్పద వ్యాఖ్యలు చేసిన మాజీ మంత్రి అరెస్ట్

దిశ, డైనమిక్ బ్యూరో : రాజ్యాంగాన్ని రక్షించాలని, ప్రధాని మోడీని చంపడానికి సిద్ధంగా ఉండాలంటూ ప్రధాని నరేంద్ర మోడీని ఉద్దేశించి మధ్యప్రదేశ్‌ మాజీ మంత్రి, కాంగ్రెస్‌ సీనియర్‌ నేత రాజా పటేరియా చేసిన వ్యాఖ్యలు తీవ్ర వివాదాస్పదమైన విషయం తెలిసిందే. ఈ క్రమంలోనే మంగళవారం ఉదయం మాజీ మంత్రి పటేరియాను పోలీసులు అరెస్టు చేశారు. ఈ మేరకు దామోహ్‌ జిల్లా హట్టాలోని ఆయన ఇంటికి చేరుకున్న పోలీసులు చర్యలు తీసుకున్నారు. అంతకుముందు మధ్యప్రదేశ్‌ హోంశాఖ మంత్రి నరోత్తమ్‌ మిశ్ర ఆదేశాల మేరకు పన్నా జిల్లాలోని పవయీ పోలీస్‌ స్టేషన్‌లో పటేరియాపై కేసు నమోదైంది.

కాగా, ఓ సమావేశంలో పార్టీ కార్యకర్తలను ఉద్దేశించి 'రాజ్యాంగాన్ని, మైనార్టీలు, దళితుల భవిష్యత్తును కాపాడేందుకు మోదీని చంపేందుకు సిద్ధం కావాలి. చంపడం అంటే ఆయనను ఓడించడమని అర్థం' అని పటేరియా అన్నట్లు సోమవారం ఓ వీడియో నెట్టింట వైరల్‌ అయింది. అయితే తన వ్యాఖ్యలపై రాజా పటేరియా వివరణ ఇచ్చుకున్నారు. తాను ప్రధానిని ఓడించాలనే ఉద్దేశంలో ఆ వ్యాఖ్యలు చేశానని చెప్పారు. అయితే దీనిని తప్పుగా ప్రచారం చేస్తున్నారని సోమవారం పేర్కొన్నారు. అది ఫ్లోలో జరిగిపోయింది.. అయితే కేవలం ఈ వ్యాఖ్యలను మాత్రమే హైలెట్ చేస్తున్నారని పేర్కొన్నారు.

Read More....

అధికారుల అత్యుత్సాహం.. వివాదంలో సీఎం భార్య!