మోడీ ట్రైలరే ఇలా ఉంటే, చిత్రం ఇంకెలా ఉంటుందో?.. ఖర్గే సంచలన వ్యాఖ్యలు

దిశ, డైనమిక్ బ్యూరో: మోడీ 10 సంవత్సరాల ట్రైలరే ఇలా ఉంటే, అసలు చిత్రం ఇంకేలా ఉంటుందో అని ఏఐసీసీ చీఫ్ మల్లికార్జున ఖర్గే సంచలన వ్యాఖ్యలు చేశారు. లోక్ సభ ఎన్నికల ప్రచారంలో భాగంగా బీహర్ లోని కటిహార్ లో ఏర్పాటు చేసిన బహిరంగ సభలో ఖర్గే మాట్లాడుతూ.. మోడీ, బీజేపీ ప్రభుత్వంపై తీవ్ర స్థాయిలో మండిపడ్డారు. ప్రస్తుతం మోడీ జీ గత 10 సంవత్సరాల పాలన ట్రైలర్ మాత్రమేనని, అసలు చిత్రం ఇంకా రాలేదని ప్రచారం జరుగుతోందని అన్నారు. సోదర సోదరీమణులారా.. మోదీ జీ 10 ఏళ్ల ట్రైలర్‌లో దేశానికి, 1200 విలువైన సిలిండర్ కనుగొనబడింది.

పెట్రోల్-డీజిల్ 100 రూపాయలకి అందుబాటులో ఉంది. అలాగే దేశంలోని ప్రతి రెండవ యువకుడు నిరుద్యోగిగా ఉన్నాడని, 45 సంవత్సరాలుగా లేని రికార్డు స్థాయిలో నిరుద్యోగం పెరిగిందని, 50 సంవత్సరాలలో అతి తక్కువ గృహ పొదుపులు నమోదు అయ్యాయని, అంతేగాక ధనిక మరియు పేద మధ్య అంతరం 100 సంవత్సరాలలో చాలా పెరిగిందని తెలిపారు. ఇది మోడీ జీ ట్రైలర్ అయితే, చిత్రంలో ఏమి జరుగుతుందో? మీరే ఆలోచించాలని, 4000 రూపాయల విలువైన సిలిండర్? 400 రూపాయల విలువైన పెట్రోల్-డీజిల్? దొరుకుతాయని ఎద్దేవా చేశారు.