Elon Musk vs Trudeau: కెనడా ఎన్నికల్లో ట్రూడో ఓడిపోతాడు.. మస్క్ సంచలన పోస్ట్
దిశ, వెబ్‌డెస్క్: ఇండియాకు వ్యతిరేకంగా ఖలిస్థానీలకు సపోర్ట్‌గా మాట్లాడుతూ తన గవర్నమెంట్‌ని కాపాడుకోవడానికి ప్రయత్నిస్తున్న కెనడా ప్రధాని జస్టిన్ ట్రూడో‌పై ప్రపంచ కుబేరుడు ఎలాన్ మస్క్ షాకింగ్ కామెంట్స్ చేశాడు. కెనడాలో పార్లమెంటరీ ఎలక్షన్స్ దగ్గరపడుతున్న టైంలో మస్క్ చేసిన వ్యాఖ్యలు కెనడా రాజకీయాల్లో దుమారం రేపుతున్నాయి. అసలేం జరిగిందంటే.. మొన్న అమెరికా అధ్యక్ష ఎన్నికల్లో డొనాల్డ్ ట్రంప్ సూపర్ విక్టరీ సాధించిన విషయం తెలిసిందే. అయితే ట్రంప్‌కు మస్క్ మద్దతిస్తున్నాడనే విషయం అందరికీ తెలుసు. ఈ క్రమంలోనే ట్రంప్ గెలవడంతో మస్క్ ఆనందానికి హద్దులు లేవు. ఈ ఆనందంలోనే ‘కెనడాలో రాబోయే పార్లమెంటరీ ఎన్నికల్లో జస్టిన్ ట్రూడో ఓడిపోతాడు. అతడు మళ్లీ ప్రభుత్వాన్ని ఏర్పాటు చేయలేడు’ అంటూ మస్క్ షాకింగ్ కామెంట్స్ చేశాడు.
అమెరికా అధ్యక్ష ఎన్నికల్లో రిపబ్లికన్‌ పార్టీ అభ్యర్థి డొనాల్డ్ ట్రంప్ (Donald Trump) గెలవడంతో ఎలాన్ మస్క్ కీలక పాత్ర పోషించడం.. చివరికి ట్రంప్ గెలవడంతో.. సోషల్ మీడియాలో ఓ యూజర్ మస్క్‌ను ట్యాగ్ చేస్తూ.. ‘మీరు ట్రంప్‌ను గెలిపించారు కదా.. కెనడాకు కూడా ట్రూడోను వదిలించుకునేందుకు సాయం చేయండి’ అని కోరుతూ ఓ పోస్ట్ పెట్టాడు. ఈ పోస్ట్‌పై రిప్లై ఇచ్చిన మస్క్.. ‘రాబోయే ఎన్నికల్లో ట్రూడో ఓడిపోతారు’ అంటూ రిప్లై ఇచ్చాడు. ప్రస్తుతం ఈ పోస్ట్ ప్రపంచ వ్యాప్తంగా విపరీతంగా వైరల్ అవుతోంది.
He will be gone in the upcoming election
— Elon Musk (@elonmusk) November 7, 2024
