బ్రేకింగ్: చంద్రయాన్-3 రాకెట్ ప్రయోగం సక్సెస్

దిశ, వెబ్‌డెస్క్: ఇస్రో ప్రతిష్టాత్మకంగా చేపట్టిన చంద్రయాన్ -3 రాకెట్ ప్రయోగం విజయవంతమైంది. మూడు దశల్లో రాకెట్ ప్రయోగం సక్సెస్ అయినట్లు శాస్త్రవేత్తలు తెలిపారు. విజయవంతంగా చంద్రయాన్-3 రాకెట్ కక్ష్యలోకి వెళ్లింది. చంద్రయాన్-3 ప్రయోగం సక్సెస్ కావడంతో ఇస్రోలో సైంటిస్టులు సంబరాలు చేసుకుంటున్నారు. చంద్రయాన్- 3 విజయవంతంగా కక్ష్యలోకి దూసుకెళ్లడంతో దేశ వ్యాప్తంగా సైంటిస్టులకు అభినందనలు వెల్లువెత్తుతున్నాయి.

కాగా, 24 గంటల కౌంట్ డౌన్ అనంతరం ఇవాళ నెల్లూరు జిల్లా శ్రీహరికోటలోని సతీష్ ధావన్ అంతరిక్ష ప్రయోగ కేంద్రం నుండి నిప్పులు చిమ్ముతూ ఎల్‌వీఎం 3ఎం రాకెట్ ద్వారా చంద్రయాన్ -3 నింగిలోకి వెళ్లింది. షార్‌లోని రెండో ప్రయోగ వేదిక నుండి చంద్రయాన్ -3ని ప్రయోగించారు. కాగా, ఇస్రో ప్రతిష్టాత్మకంగా చేపట్టిన చంద్రయాన్-3 ప్రాజెక్ట్ చంద్రుడిలోని దక్షిణ ద్రువంలో ల్యాండ్ కానుంది. ఇప్పటివరకు జాబిల్లిపై ఎవరూ చేరుకోని దక్షిణ ధ్రువానికి చంద్రయాన్-3 వెళ్లనుంది. గంటకు 6 వేల కిలోమీటర్ల వేగంతో దూసుకెళ్తున్న చంద్రయాన్-3 ఆగస్ట్ 23 లేదా 24వ తేదీన చంద్రుడిపై ల్యాండ్ కానుంది. ఇక, ప్రతిష్టాత్మక చంద్రయాన్ - 3 రాకెట్ సక్సెస్ ఫుల్‌గా లాంఛ్ కావడంతో ఇస్రో సైంటిస్టులు సంతోషం వ్యక్తం చేశారు