బ్రేకింగ్: కర్నాటకలో ప్లాన్ ‘‘బీ’’కి బీజేపీ రెడీ.. రిజల్ట్స్ వ్యతిరేకంగా వస్తుండటంతో కీలక నిర్ణయం?
దిశ, వెబ్‌డెస్క్: కర్నాటక అసెంబ్లీ ఎన్నికల ఫలితాలు వ్యతిరేకంగా వస్తుండటంతో అధికార బీజేపీ అలర్ట్ అయ్యింది. జేడీఎస్ నేతలతో బీజేపీ మంతనాలు జరుపుతున్నట్లు సమాచారం. కలిసి పని చేద్దామంటూ అధికార బీజేపీ నుండి జేడీఎస్‌కు పిలుపు వెళ్లినట్లు తెలుస్తోంది. మరీ బీజేపీ ఆఫర్‌కు జేడీఎస్ మద్దతు ఇస్తుందా లేదా అనేది తీవ్ర ఉత్కంఠగా మారింది. ఇప్పటికే కర్నాటకలో అన్ని పార్టీలు క్యాంప్ రాజకీయాలకు తెరలేపాయి. గెలిచిన ఎమ్మెల్యేలను కాపాడుకునేందుకు బెంగళూర్‌తో పాటు హైదరాబాద్ లోని స్టార్ హోటల్స్‌లో పెద్ద ఎత్తున రూమ్స్ బుక్ చేసినట్లు సమాచారం. ఇక, కర్నాటక ఎన్నికల కౌంటింగ్ దేశవ్యాప్తంగా రాజకీయ వర్గాల్లో తీవ్ర ఉత్కంఠ రేపుతోంది. అసెంబ్లీ ఎన్నికల కౌంటింగ్‌లో కాంగ్రెస్ పార్టీ మ్యాజిక్ ఫిగర్ దాటి స్పష్టమైన మెజార్టీ దిశగా దూసుకుపోతుంది. మధ్యాహ్నం వరకు కర్నాటకు తుది ఫలితాలు వచ్చే అవకాశం ఉన్నట్లు తెలుస్తోంది.
Also Read...
