సెక్స్ స్కాండల్ వీడియో లీక్ వెనుక 'భారీ తిమింగలం': హెచ్‌డీ కుమారస్వామి
దిశ, నేషనల్ బ్యూరో: తన మేనల్లుడు, హాసన్‌కు చెందిన పార్టీ ఎంపీ ప్రజ్వల్ రేవణ్ణకు సంబంధించిన సెక్స్ స్కాండల్ వీడియోల లీక్ వెనుక 'భారీ తిమింగలం' ఉందని జనతాదళ్ (సెక్యులర్) నేత హెచ్‌డీ కుమారస్వామి మంగళవారం ఆరోపించారు. మంగళవారం విలేకరులతో మాట్లాడిన ఆయన, డిప్యూటీ సీఎం డీకే శివకుమార్‌ను ఉద్దేశిస్తూ.. ఆ వీడియోల లీక వెనుక భారీ తిమంగలాలు ఉన్నాయన్నారు. ఎవరో చెప్పాలని విలేకరులు అడగ్గా, ఇంకెవరూ.. మాండ్యా నుంచి ఒక ఎమ్మెల్యే 'పెద్ద తిమింగలం' గురించి మాట్లాడారు. ఆయన ఆదేశాలనే చిన్న తిమింగలాలు పాటిస్తున్నాయి. న్యాయవాదులు చేస్తున్న వాదనలను గమనిస్తే, ఈ పరిణామాలన్నీ ద్వేషపూరిత రాజకీయాలేనని తెలుస్తోంది. మాజీ ప్రధాని దేవేగౌడ ప్రతిష్ఠను దెబ్బతీయడానికి రేవణ్ణపై ప్రభుత్వం ఇలాంటి చర్యలకు దిగుతోందని ఆరోపణలు చేశారు. ప్రభుత్వంలో ఉన్న ఆ పెద్ద తిమింగలాన్ని ఎవరు మాత్రం పట్టుగోలరని ప్రశ్నించారు. మరోవైపు కుమారస్వామి వ్యాఖ్యలపై కర్ణాటక డిప్యూటీ సీఎం డీకే శివకుమార్ స్పందించారు. ఆ పెద్ద తిమింగలాన్ని అరెస్ట్ చేసి మింగేయమనండి. నేను డైరెక్టర్‌నో, నిర్మాతనో కాదు. ప్రేక్షకుడిని మాత్రమేనని అన్నారు. రేవణ్ణ ప్రతిష్ఠకు భంగం కలిగించేందుకు అన్న విమర్శలకు బదులిస్తూ వాళ్లది పెద్ద కుటుంబం. ఇలాంటి పరిణామాలు ఎదురవడం బాధగా ఉంది. వాళ్లు ఏమైనా అనుకోవచ్చని ఆయన పేర్కొన్నారు.
