ప్రాణం తీసిన సముద్ర స్నానం..

దిశ, వెబ్‌డెస్క్: నెల్లూరు జిల్లాలో విషాదం చోటుచేసుకుంది. స్నేహితులతో కలిసి తుమ్మలపేట సముద్ర తీరంలో స్నానానికి వెళ్లిన ఓ యువకుడు గల్లంతయ్యాడు. యూపీ నుంచి కావలికి వలస కూలీలుగా వచ్చిన మురళీలాల్, రామశిత్తు అనే మిత్రులు సరదాగా స్నానం చేద్దామని సముద్ర తీరానికి వెళ్లారు.

ఈ క్రమంలోనే నీటిలోకి వెళ్లిన మురళీలాల్ అలల ఉధృతికి ప్రమాదవశాత్తు గల్లంతయ్యాడు. సమాచారం అందుకున్న పోలీసులు ఘటనా స్థలికి చేరుకుని తోటి మిత్రుని నుంచి వివరాలు సేకరించారు. అతని ఫిర్యాదు మేరకు కేసు నమోదు చేసి దర్యాప్తు చేస్తున్నట్లు వెల్లడించారు.