Premi viswanath: వంటలక్క భర్త ఇండస్ట్రీలో ఎంత ఫేమస్సో తెలిస్తే షాక్ అవ్వాల్సిందే.. పోస్ట్ వైరల్
దిశ, సినిమా: స్టార్ మాలో ప్రసార మయ్యే సీరియల్స్‌లో ఫుల్ పాపులారిటీ తెచ్చుకున్న సీరియల్ కార్తీక దీపం. దాదాపు 7 ఇయర్స్‌గా ప్రసారమయ్యి ఓ రేంజ్‌లో దూసుకుపోయింది. అయితే మనకు ఈ సీరియల్ నేమ్ వినగానే మొదటగా గుర్తొచ్చే పేర్లు డాక్టర్ బాబు, వంటలక్క, మోనిత. ఈ మూడు క్యారెక్టర్స్ వారు వారి పాత్రలో తమ నటనతో ఓ ఊపు ఊపేశారు. డాక్టర్ బాబు మనకి ముందునుంచీ తెలిసిన నటుడే. ఇక మోనిత, వంటలక్క మాత్రం ఈ సీరియల్ ద్వారానే బుల్లి తెరకు పరిచయం అయ్యారు. వీరి నటనతో తెలుగు ప్రేక్షకుల్లో మంచి ఆదరణ లభించింది అయితే మోనిత కంటే వంటలక్క అలియాస్ ప్రేమి విశ్వనాథ్ ఈ విషయంలో ఓ మెట్టు పైన ఉన్నదనే చెప్పుకోవడంలో ఏమాత్రం అతియోశక్తి లేదు. ఈమె ఈ సీరియల్ ద్వారా వంటలక్కగా తెలుగు రాష్ట్రాల్లో చాలా ఫేమస్ అయ్యింది. ప్రస్తుతం కార్తీక దీపం సీరియల్ పూర్తి కాగా.. కార్తీక దీపం 2 సీరియల్ నడుస్తోంది. ఇందులో మరోసారి డాక్టర్ బాబు, వంటలక్క అలరిస్తున్నారు.
ఇదిలా ఉంటే ప్రేమి విశ్వనాథ్ కొడుకు ఫోటోస్ ఇటీవలే నెట్టింట వైరలయ్యాయి. వాటిని చూసి వంటలక్కకు ఇంత పెద్ద కొడుకు ఉన్నాడా ? ఇద్దరూ బ్రదర్ అండ్ సిస్టర్ లా ఉన్నారంటూ నెటిజన్లు కామెంట్స్ చేశారు. ఇక ప్రేమి విశ్వనాథన్ భర్త గురించి చాలా మందికి తెలియదు. కానీ ఇండస్ట్రీలో అతడు కూడా చాలా ఫేమస్. దేశవ్యాప్తంగా చాలా పేరు ప్రఖ్యాతలున్న వ్యక్తి అనే విషయం కొంత మందికే తెలుసు. ప్రేమి విశ్వనాథ్ భర్త డాక్టర్ వినీత్ భట్ ప్రముఖ జ్యోతిష్య నిపుణులు. 2017లో వరల్డ్ బెస్ట్ ఆస్ట్రాలజర్‌గా గుర్తింపు పొందారు.
అలాగే మలయాళీ ఇండస్ట్రీలో ప్రొడ్యూసర్‌గా మంచి గుర్తింపు తెచ్చుకున్నారు. ప్రస్తుతం ఈరోజు నటిగా తాను మంచి పేరు తెచ్చుకోవడానికి కారణం తన భర్త వినీత్ అని చాలాసార్లు చెప్పుకొచ్చారు ప్రేమి విశ్వనాథ్. ప్రస్తుతం వంటలక్క తన భర్తతో ఉన్న ఫోటోలు నెట్టింట వైరల్ అవుతున్నాయి.
(video credits to drvineeth bhatt instagram id)
