జక్కన్న వాట్ నెక్ట్స్..
దిశ, వెబ్‌డెస్క్: RRR సినిమా కోసం ఎన్టీఆర్, రామ్ చరణ్, రాజమౌళి ఏకంగా మూడు, నాలుగు ఏళ్ళ సమయాన్ని కేటాయించారు. షూటింగ్ స్టార్ట్ చేసిన తరువాత మధ్యలో కరోనా కారణంగా చాలా రోజులు ఆలస్యం అయ్యింది. ఇక సినిమా రిలీజ్ అయ్యి బ్లాక్ బస్టర్ కొట్టిన తరువాత కూడా సంవత్సరం పాటు ప్రమోషన్స్ చేశారు. రిలీజ్ టైమ్లో ఇండియా మొత్తం చుట్టేసిన RRR టీమ్ రిలీజ్ తరువాత అవార్డుల కోసం ప్రపంచం మొత్తం చుట్టేసారు.
ఈ క్రమంలోనే అస్కార్ కోసం కొన్ని నెలలు అమెరికాలోనే ఉండిపోయాడు రాజమౌళి. ఇక నాటు నాటు పాటకు ఆస్కార్ అందుకుని.. ఇండియాకు చిత్ర యూనిట్ తిరిగి వచ్చేసిన విషయం తెలిసిందే. అంతేకాకుండా.. చరణ్, ఎన్టీఆర్ అప్పుడే వర్క్ మూడ్‌లోకి వచ్చేసినట్లు తెలుస్తోంది. రీసెంట్‌గా శంకర్ తెరకెక్కిస్తున్న Rc15 షూటింగ్‌లో జాయిన్ అయిపోయాడు చరణ్. ఇక Ntr30 కి మార్చి 23 న గ్రాండుగా పూజా కార్యక్రమాలు నిర్వహించనున్నారు తారక్. వెంటనే రెగ్యులర్ షూట్ స్టార్ట్ చేయబోతున్నారు.
ఎన్టీఆర్, చరణ్ ఇద్దరూ కూడా బిజీ అయిపోయారు. కానీ దర్శక ధీరుడు రాజమౌళి పరిస్థితి ఏంటనేది తెలియటం లేదు. నెక్ట్స్ మహేష్ బాబుతో సినిమా చేయబోతున్నాడు జక్కన్న. ఇప్పటికే స్క్రిప్టు వర్క్‌తో బిజీగా ఉన్నారు విజయెంద్రప్రసాద్. దాంతో ఇప్పుడు రాజమౌళి కూడా స్క్రిప్టు పనిలో జాయిన్ అయ్యారా.. లేదంటే కాస్తా బ్రేక్ తీసుకుని రంగంలోకి దిగుతాడా అనేది తెలియాల్సి ఉంది.
Read more:
