Bigg Boss Telugu 7: 'ఏంటి ఈ డ్రామాలు.. కప్పు ముఖ్యం అమర్'.. హింట్ ఇచ్చేసిన నాగార్జున
దిశ,వెబ్ డెస్క్: బిగ్‌బాస్ సీజన్-7 విన్నర్‌ అమర్దీప్ అని క్లారిటీ వచ్చేసింది. ఎందుకంటే ఫ్యామిలీ వీక్ తర్వాతి నుంచి సీన్ మొత్తం రివర్స్ అయిపోయింది. టైటిల్ రేసులో ఉన్న శివాజీ నెగిటివ్ టాక్ వినబడుతుంటే.. అమర్దీప్ మాత్రం సెంటిమెంట్స్ తో ఫ్యాన్స్ ని బాగా సంపాదించుకున్నాడు. నిన్నటి ఎపిసోడ్ లో నాగార్జున కూడా ఇన్ డైరెక్టుగా హింట్ ఇచ్చేశారు. మాట్లాడితే కెప్టెన్సీ అంటావ్ .. అన్నీ డ్రామాలు అవసరం లేదు అమర్.. నువ్వు ఆడాల్సింది కప్పు కోసమంటూ ఎడా పెడా వాయించేసారు.
అమర్‌ని నిల్చోబెట్టి ఓ వీడియో ప్లే చేశారు నాగ్. దీనిలో ఉన్న ఒక్క అవకాశం కూడా పోయిందే అంటూ అమర్ ఏడుస్తున్నాడు. ఈ వీడియో చూపించి ఇలాంటి సింపథీ గేమ్.. ఆడొద్దని చెప్పింది నువ్వే కదా మరి ఏంటి ఈ డ్రామాలు అంటూ నాగార్జున అడిగారు. ఇది డ్రామా కాదు సార్.. నమ్మినవాళ్లే మోసం చేస్తే.. అలా ఏడుపు వచ్చేసింది.. నేను బయట కూడా అలానే ఉంటానంటూ అమర్ చెప్పుకొచ్చాడు. దీంతో సరే ఈ విషయంపై శివాజీనే క్లారిటీ అడగుదామని నాగ్ అన్నారు.
చెప్పు శివాజీ.. అమర్‌ని కెప్టెన్ చేస్తానని మాటిచ్చావ్ కదా మరి ఎందుకు మాట తప్పావంటూ నాగార్జున అడిగారు. వెంటనే శివాజీ మాట మారుస్తూ అవును సార్.. అప్పుడు కూడా డిప్యూటీలను ఎవర్ని పెట్టుకుంటావురా అని అడిగా.. వాళ్లే అన్నాడు.. అందుకే ఇంక మాటా లేదు ఏం లేదని అంటూ శివాజీ తప్పించుకున్నాడు.
