సమంత కోసం విజయ్ దేవరకొండ ఇంట్రెస్టింగ్ ట్వీట్..

దిశ, వెబ్ డెస్క్: స్టార్ హీరోయిన్ సమంత ఇటీవల మయోసైటీస్ వ్యాధి వచ్చిన విషయం తెలిసిందే. ఈ వ్యాధి నుంచి సామ్ ఇప్పుడిప్పుడే కోలుకుంటుండగా ‘శాకుంతలం’ ప్రమోషన్స్‌లో పాల్గోనడంతో మరోసారి అనారోగ్యానికి గురైంది. మయోసైటిస్ వ్యాధి నుంచి కోలుకున్న తర్వాత సమంత నటించిన భారీ బడ్జెట్ మూవీ ‘శాకుంతలం’. శకుంతల, దుష్యంతుల ప్రేమ కావ్యంగా తెరకెక్కిన ఈ మైథలాజికల్ చిత్రానికి గుణశేఖర్ దర్శకుడు. సమంతకు ఇదే తొలి పైరాణిక చిత్రం కావడంతో ప్రేక్షకుల్లో భారీ అంచనాలు నెలకొన్నాయి. తాజాగా, సమంత కోసం రౌడీ హీరో విజయ్ దేవరకొండ తన ట్విట్టర్ వేదికగా ఓ ఇంట్రెస్టింగ్ ట్వీట్ చేశాడు. ‘‘సామీ.. నువ్వు ఎప్పుడూ ప్రేమను పంచుతుంటావు.. ప్రతి పని పర్ఫెక్ట్‌గా చేయాలని కోరుకుంటావు. నీ చుట్టూ ఉన్న అందరిలో ఉత్సాహాన్ని నింపుతావు. ఇప్పటికీ నువ్వు ఏ సినిమా చేసినా దానిపైనే నీ కెరీర్ మొత్తం ఆధారపడినట్లుగా ప్రతి షాట్‌కు వంద శాతం కష్టపడతావు. గత సంవత్సర కాలంగా నువ్వు జీవితంలో ఎంత ఫైట్ చేస్తున్నావో ప్రపంచానికి తెలియకపోవచ్చు. కానీ, ఎప్పుడూ నవ్వుతూ, నీ ఫ్యాన్స్ కోసం సినిమాల కోసం ఒక అడుగు ముందుకు వేస్తున్నావు. అంతా మంచే జరుగుతుంది ప్రేమతో విజయ్ అంటూ రాసుకొచ్చాడు. దీంతో అది చూసిన సామ్ ‘ ఏం మాట్లాడాలో కూడా తెలియట్లేదు. ఈ సమయంలో నాకు కావాల్సింది ఇదే థాంక్యూ మై హీరో’ అని రిప్లై ఇచ్చింది. కాగా సమంత, విజయ్ దేవరకొండ కలిసి జంటగా నటిస్తున్న చిత్రం ‘ఖుషి’. శివ నిర్వాణ దర్శకత్వంతో తెరకెక్కుతున్న ఈ మూవీ షూటింగ్ శరవేగంగా జరుగుతోంది.

Also read: సమంత ఖాతాలోనే శాకుంతలం భారీ డిజాస్టర్‌గా మిగిలిపోతుందా?

At a loss for words..Really needed this🤍Thank you my hero!! @TheDeverakonda 🤍#Shaakuntalam https://t.co/jUHyNqtRWx

— Samantha (@Samanthaprabhu2) April 13, 2023