ప్రాణాలు తీసే క్రూర మృగాలతో విజయ్ దేవరకొండ గేమ్స్ (వీడియో)

దిశ, వెబ్‌డెస్క్: టాలీవుడ్‌లో క్రేజీ అండ్ రొమాంటిక్ హీరోగా పేరుతెచ్చుకున్న నటుడు విజయ్ దేవరకొండ. 'అర్జున్ రెడ్డి' సినిమాతో యూత్‌లో మంచి ఫాలోయింగ్ సంపాదించుకున్న రౌడీ హీరో.. ప్రస్తుతం హాలీడే ట్రిప్‌ను ఎంజాయ్ చేస్తున్నాడు. ఈ క్రమంలోనే దుబాయ్‌లో ఉన్న ఓ జూలోకి వెళ్లిన విజయ్ అక్కడ క్రూర మృగాలతో విన్యాసాలు చేస్తూ తెగ ఎంజాయ్ చేస్తున్నాడు. అతి పెద్ద కొండ చిలువలు, పులులు, సింహాలు ఉన్న జూలోకి వెళ్లిన విజయ్ వాటితో ఆడుకున్నాడు. అంతే కాదు ఓ పక్క భయపడుతూనే వాటిని చేతిలోకి తీసుకుని నవ్వుకుంటూ ఫొటోలకు ఫోజులు ఇచ్చాడు.

పులి, సింహం పిల్లలకు పాలు పట్టించడం.. భారీ కొండచిలువను మెడలో వేసుకోవడం వీటిన్నితో ఆడుకోవడం నాకు ఎంతో సంతోషంగా ఉందంటూ దానికి సంబంధించిన వీడియో విజయ్ తన సోషల్ మీడియా వేదికగా అభిమానులతో పంచుకున్నాడు. ఈ మేరకు తన ఇన్‌స్టాలో ''ఒక అందమైన ఉద్యానవనం, జంతువులను సంతోషంగా చూసుకునేవారు, గొప్ప సంరక్షకులు- వారు నాకు ఉన్న పెద్ద భయాన్ని- పాములు, జంతువులపై చాలా జ్ఞానాన్ని పంచుకున్నారు. అందమైన సింహం, పులి పిల్లలతో ఆడుకునేలా చేశారు'' అంటూ క్యాప్షన్ ఇచ్చి పోస్ట్ చేశాడు. ఇది చూసిన నెటిజన్స్ రకరకాల కామెంట్లు పెడుతున్నారు.

ఇవి కూడా చదవండి : సినీ హీరో నవీన్ రెడ్డి అట్లూరి అరెస్ట్..