మీవి సౌందర్య సినిమాలు నావి సన్నీలియోన్ సినిమాలు.. దమ్ముంటే ఏపీలో ఎవరు గెలుస్తారో వీడియో చేయండి: వేణుస్వామి
దిశ, సినిమా: ప్రముఖ జ్యోతిష్యుడు వేణు స్వామి గురించి ప్రత్యేకంగా చెప్పుకోనవసరం లేదు. తరచూ రాజకీయ నాయకులపై, ప్రముఖ సెలబ్రిటీల పై జాతకాలు చెబుతూ వార్తల్లో నిలుస్తాడు. ఈయన జ్యోతిష్యం నమ్మేవాళ్లు ఎంతో మంది ఉన్నారు. పలు సెలబ్రిటీల విషయంలో, రాజకీయ నేతల విషయంలో వేణు స్వామి చెప్పింది నిజం కావడంతో ఈయన ఏం చెప్పిన జనాల్లో ఆందోళన మొదలవుతుంది. తాజాగా ఈ జ్యోతిష్యుడు ఓ ఇంటర్వ్యూకు హాజరై.. ‘‘ఈ మధ్యకాలంలో నా మీద సోషల్ మీడియాలో నెగిటివ్ ప్రచారం జరుగుతుంది.
నేను చెప్పినవన్నీ జరగవని జనాలను నమ్మించే ప్రయత్నం చేస్తున్నారు. నా గురించి మాట్లాడటానికి ఎవరికి రైట్ లేదు. పలువురు జ్యోతిష్యులు నన్ను ఉద్దేశించి పోస్టులు పెడుతున్నారు. మీరు సంప్రదాయబద్దంగా సౌందర్య లాంటి సినిమాల వంటి వారు.. నావి సన్నీలియోన్ సినిమాలు. నేను మందు తాగుతానని, నాన్ వెజ్ తింటానని అందరికీ తెలుసు. నేను బూతులు మాట్లాడతానని కూడా తెలుసు. నాలో ఆ యాంగిల్ చూడాలని అనుకోవద్దు. మీకు దమ్ముంటే ఆంధ్రప్రదేశ్ లో ఎవరు గెలుస్తారో ఓ వీడియో చేయండి’’ అంటూ వేణు స్వామి కాస్త ఆగ్రహంగా చెప్పుకొచ్చాడు.
