జైలర్‌’ రిలీజ్ రోజు ఆ ఉద్యోగులందరికీ సెలవు.. టికెట్ కూడా ఫ్రీ
దిశ, సినిమా: సూపర్‌ స్టార్‌ రజనీకాంత్ నటించిన తాజా చిత్రం ‘జైలర్‌’ రిలీజ్ కోసం ఎంతోమంది అభిమానులు ఆసక్తికగా ఎదురుచూస్తున్నారు. ట్రైలర్ విడుదలైనప్పటినుంచి సినిమాపై భారీ అంచనాలు పెరిగిపోగా రజనీ ఫ్యాన్స్ తప్పకుండా బిగ్ హిట్ అవుతుందంటున్నారు. ఈ క్రమంలోనే ఆగస్టు 11న మూవీ విడుదల సందర్భంగా ‘యూనో ఆక్వా కేర్’ అనే కంపెనీ సినిమా చూసేందుకు తమ ఉద్యోగులకు హాలీడే ప్రకటించింది. అంతేకాదు అందులో పనిచేస్తున్న వాళ్లందరికీ ఉచితంగా మూవీ టికెట్‌లు ఇవ్వనుంది. చెన్నై, బెంగళూరు, తిరుచ్చి, తిరునల్వేలి, చెంగల్‌పట్టు, మట్టుతావని, అరపాళ్యం, అలగప్పన్ నగర్ బ్రాంచ్‌లన్నీటికి అధికారికంగా సెలవు ప్రకటించినట్లు ఆ సంస్థ వెల్లడించింది. ఇక నెల్సన్‌ కుమార్ దర్శకత్వం వహించిన ఈ చిత్రంలో తమన్న హీరోయిన్‌గా కనిపించనుంది. ఇక సదరు కంపెనీ నిర్ణయంపై స్పందిస్తున్న తలైవా ఫ్యాన్స్ తమ హీరో రేంజ్ అంటే మాములుగా ఉండదంటూ ఫుల్ ఖుష్ అవుతున్నారు.
