Tripti Dimri: నేషనల్ క్రష్ ట్యాగ్‌పై త్రిప్తి దిమ్రి వైరల్ కామెంట్స్!
దిశ, సినిమా: బాలీవుడ్ బ్యూటీ త్రిప్తి దిమ్రి ‘యానిమల్’ మూవీతో ఒక్కసారిగా స్టార్ హీరోయిన్‌గా మారిపోయింది. అప్పటి నుంచి వరుస ఆఫర్లు అందుకుంటున్న ఈమె.. తాజాగా ‘బ్యాడ్ న్యూస్’తో ప్రేక్షకుల ముందుకు వచ్చింది. ఆనంద్ తివారీ దర్శకత్వం వహించిన ఈ చిత్రంలో విక్కీ కౌశల్, అమీ విర్క్ ప్రధాన పాత్రలో నటించి మెప్పించారు. ఎన్నో అంచనాల మధ్య జూలై 19న రిలీజైన ఈ మూవీ పాజిటివ్ టాక్ సొంతం చేసుకున్నట్లు తెలుస్తుంది.
ఇదిలా ఉంటే ‘యానిమల్’ మూవీతో కుర్రాళ్ల కలల రాణిగా మారిపోయిన ఈ బ్యూటీకి.. నేషనల్ క్రష్‌గా బిరుదు కూడా ఇచ్చేశారు ఫ్యాన్స్. అయితే.. తాజాగా ఓ ఇంటర్వ్యూలో పాల్గొన్న ఈ అమ్మడు తనను నేషనల్ క్రష్ అని పిలవడంపై స్పందించింది. త్రిప్తి మాట్లాడుతూ.. ‘బాలీవుడ్‌లో కెరీర్ స్టార్ట్ చేసి దాదాపు ఏడేళ్లు అవుతుంది. ఎంతో మంది స్టార్ హీరోలతో, డైరెక్టర్స్‌తో వర్క్ చేశా చాలా సంతోషంగా ఉంది. అయితే.. కెరీర్ స్టార్టింగ్‌లో సినిమాలపై అంత ఇంట్రెస్ట్ పెట్టలేదు. మొదటి మూవీ సక్సెస్ అయితే ఆఫర్స్ వస్తాయి.. లేకుంటే లేదు అనుకున్న. ఇలా ‘లైలా మజ్ను’ ఆడిషన్‌లో పాల్గొన్న. ఇక అప్పటి నుంచి సినీ కెరీర్‌పై ద‌ృష్టి పెట్టా. ఈరోజు నేషనల్ క్రష్ అని ఫ్యాన్స్‌తో పిలుపించుకుంటున్న. ఇది ట్యాగ్ అని నేను అనుకోవడం లేదు.. అభిమానులు నాపై పెంచుకున్న ప్రేమ. వారు నన్ను అలా పిలవడం చాలా సంతోషంగా ఉంది’ అంటూ చెప్పుకొచ్చింది.
