చాక్లెట్ల కోసం దారుణంగా తిట్టుకున్న యాక్ట్రెస్.. వీడియో వైరల్
దిశ, సినిమా: ప్రముఖ హిందీ యాక్ట్రెస్ టీనా దత్తా అండ్ సుంబుల్ తౌకీర్‌ల మధ్య గొడవ జరిగింది. ప్రస్తుతం 'బిగ్ బాస్ 16'లో కంటెస్టెంట్స్‌గా కొనసాగుతున్న వీరిద్దరూ ఒకరినొకరు దారుణంగా తిట్టుకున్నారు. అసలు విషయానికి వస్తే.. తాజాగా రిలీజ్ చేసిన ఎపిసోడ్ ప్రొమోలో తమ బ్యాగులో నుంచి చాక్లెట్లు దొంగిలించారని సుంబుల్ ఆగ్రహానికి గురైంది. దీంతో టీనా సీరియస్‌గా రియాక్ట్ అవడంతో ఒకరినొకరు నిందించుకున్నారు. తనపై అరవవద్దంటూ సుంబుల్‌ను టీనా కోరింది. అయినా అతను వినకపోవడంతో సరైన రీతిలో, చిన్నగా మాట్లాడాలంటూ ఫైర్ అయిన టీనా.. తనతో కాకుండా తన ఇంటి వద్ద ఈ కోపాన్ని చూపించాలని సుంబుల్‌కు సూచించింది.
వీరిద్దరి మధ్య వాగ్వాదం పెరగడంతో సుంబుల్ అక్కడి నుంచి దూరంగా వెళ్ళిపోయింది. దీంతో ఆవేశం ఆపుకోలేని టీనా.. 'షోలో హౌస్‌మేట్స్ అందరికీ ఇకపై సుంబుల్ కనిపించదు. మళ్లీ అందరూ బ్లాక్ మాస్క్ ధరించాలి' అని ప్రోమోలో అరుస్తూ కనిపించడం విశేషం. కాగా లాస్ట్ ఎపిసోడ్‌లో నటుడు షాలిన్.. టీనా దత్తాను 'గాడిద' అని పిలవగా అది చర్చనీయాంశమైన సంగతి తెలిసిందే. ఇందుకు సంబంధించిన వీడియోలు నెట్టింట వైరల్ అవుతుండగా నెటిజన్లు భిన్నమైన కామెంట్లతో ఆడేసుకుంటున్నారు.
