Sandeep Kishan: గొప్ప మనసు చాటుకున్న టాలీవుడ్ యంగ్ హీరో.. ప్రశంసలు కురిపిస్తున్న నెటిజన్లు
దిశ, సినిమా: టాలీవుడ్ యంగ్ హీరో సందీప్ కిషన్ ఈ ఏడాది తెలుగులో ‘ఊరు పేరు భైరవకోన’ సినిమాతో ప్రేక్షకుల ముందుకు వచ్చాడు. ఈ మూవీ హిట్ అందుకోలేకపోయింది. అయితే ఇటీవల సందీప్ కిషన్ కోలీవుడ్ స్టార్ ధనుష్ ‘రాయన్’ మూవీలో కీలక పాత్ర చేశాడు. ఇది బ్లాక్ బస్టర్ హిట్ కావడంతో పాటు భారీ కలెక్షన్లు రాబట్టింది. ప్రజెంట్ సందీప్ ధనుష్ నటిస్తున్న కెప్టెన్ మిల్లర్‌లో ప్రధాన పాత్రలో నటిస్తున్నాడు. ఇదిలా ఉంటే.. సందీప్ కిషన్ సినిమాలతో పాటు ఓ రెస్టారెంట్లు నడిపిస్తున్న సంగతి తెలిసిందే. వాటి ద్వారా ఆయన 350 మందికి ఉచితంగా ఆహారం అందిస్తున్నానని ఇటీవల అన్నాడు.
అలాగే హైదరాబాద్‌లో కొన్ని ప్రాంతాన్ని తక్కువ ధరకే భోజనం లభించే క్యాంటీన్స్ పెట్టాలనే ఐడియా ఉన్నట్లు తెలిపాడు. తాజాగా, ఓ వ్యక్తి తన తల్లికి యాక్సిడెంట్ కావడంతో ఐసీయూలో ఉంది అర్జెంట్‌గా రూ. 60 వేలు కావాలని సోషల్ మీడియా వేదికగా పోస్ట్ పెట్టాడు. ఆ పోస్ట్ చూసిన సందీప్ కిషన్ వెంటనే రియాక్ట్ అయి అతని అకౌంట్‌కు రూ. 50 వేలు ట్రాన్స్ఫర్ చేశాడు. దానిని సక్రమంగా పరిశీలించి.. నా వంతు సహాయం చేశాను అని ట్విట్టర్ వేదికగా పోస్ట్ పెట్టాడు. ఇక ఈ విషయం తెలుసుకున్న అభిమానులు ప్రశంసలు కురిపిస్తున్నారు. సోషల్ మీడియాలో చూసి వెంటనే ఓ తల్లి ప్రాణాలు కాపాడాడు గ్రేట్ అని అంటున్నారు.
