ముచ్చటగా మూడోసారి తండ్రి కాబోతున్న స్టార్‌ హీరో..?
దిశ, సినిమా: హీరో శివకార్తికేయన్ అందరికీ సుపరిచితమే. తెలుగులో కౌసల్య కృష్ణమూర్తి, రెమో, సీమరాజ వంటి చిత్రాల్లో నటించి మెప్పించాడు. కాగా శివకార్తికేయన్ ఇండస్ట్రీలో అడుగుపెట్టకముందే 2010లో ఆర్తిని పెళ్లి చేసుకున్నారు. అయితే వీరికి 2013లో కూతురు ఆరాధన, 2021లో కుమారుడు గుగన్‌ దాస్‌ జన్మించారు.
ఇదిలా ఉండగా తాజాగా హీరో శివకార్తికేయన్ త్వరలో తండ్రి కాబోతున్నాడంటూ సోషల్‌ మీడియాలో ఓ వార్త తెగ వైరల్‌గా మారింది. శివకార్తికేయన్- ఆర్తి దంపతులకు ఇదివరకే ఇద్దరు పిల్లలు ఉన్నారనే విషయం తెలిసిందే. అయితే చాలాకాలం తర్వాత వీరు మూడో బిడ్డ కోసం ప్లాన్‌ చేశారన్నది లేటెస్ట్‌ గాసిప్‌.
తాజాగా ఓ అభిమాని కుమారుడు బర్త్‌డేకు శివకార్తికేయన్ భార్య ఆర్తి, కూతురు ఆరాధనతో సహా వెళ్లాడు. అయితే ఈ వీడియోలో ఆర్తికి కాస్త పొట్ట ఉన్నట్లుగా కనిపించింది. దీంతో జనాలు అది బేబీ బంప్‌ అయి ఉండొచ్చని అంచనా వేస్తున్నారు. త్వరలో మరో జూనియర్‌ శివకార్తికేయన్ రాబోతున్నాడని ఫ్యాన్స్‌ ఖుషీ అవుతున్నారు. ప్రస్తుతం ఈ వార్త నెట్టింట హల్ చల్ చేస్తుంది. కాగా శివకార్తికేయన్ నటించిన అమరన్‌ సినిమా రిలీజ్‌కు రెడీ అవుతోంది. ఇందులో అతడు మేజర్‌ ముకుంద్‌ వరదరాజన్‌గా కనిపించనున్నాడు. తర్వాత ఏఆర్‌ మురుగదాస్‌తో ఓ చిత్రం చేయనున్నాడు.
