'ఓరి వారి'.. నా కెరీర్‌లో బెస్ట్ సాంగ్: నాని
దిశ, సినిమా: నేచురల్ స్టార్ నాని మోస్ట్ అవెయిటెడ్ పాన్ ఇండియా మూవీ 'దసరా'. శ్రీ లక్ష్మీ వెంకటేశ్వర సినిమాస్ బ్యానర్‌పై సుధాకర్ చెరుకూరి నిర్మిస్తున్న ఈ సినిమాతో శ్రీకాంత్ ఓదెల దర్శకుడిగా పరిచయం అవుతున్నాడు. కీర్తి సురేష్ కథానాయికగా కనిపించనున్న చిత్రం నుంచి తాజాగా 'ఓరి వారి' అంటూ సాగే సెకండ్ సింగిల్ రిలీజ్ చేశారు మేకర్స్. ఈ సందర్భంగా మాట్లాడిన నాని.. 'ఇది హార్ట్‌బ్రేక్ సాంగ్. మళ్లీ మళ్లీ వినాలనిపించే పాట. ప్రతి పదం మనసుని తాకుతుంది. వాలెంటైన్స్ డే‌కు ఇది పర్ఫెక్ట్ గిఫ్ట్.
ఈ సాంగ్ నా పర్సనల్ ఫిలాసఫీ కి దగ్గర ఉంది. ఒకసారి అమ్మాయి మనది కాదన్న తర్వాత కాసేపు బాధపడుతూ ఇలాంటి పాటలు వినాలి. ఇంటికెళ్లి అవ్వ ఒడిలో దూరి చంటి బిడ్డలా పడుకోవాలి. శ్రీమణి చాలా అద్భుతంగా రాశారు. సంతోష్ నారాయణ్ బ్రిలియంట్ మ్యూజిక్ ఇచ్చారు. విజువల్‌గా ఈ పాట నా కెరీర్‌లో బెస్ట్ సాంగ్. మార్చి 30న స్క్రీన్ మీద చూస్తున్నప్పుడు స్టన్ అయిపోతారు. నెలలు తరబడి నా చెవిలో మోగుతూనే ఉంది. అదే ఎఫెక్ట్ మీ మీద కూడా ఉంటుందని నమ్ముతున్నా. దసరాకి చాలా సెలబ్రేషన్స్, ఈవెంట్స్ ఉంటాయి. 'దసరా' అందరం సెలబ్రేట్ చేసుకునే సినిమా' అంటూ చెప్పుకొచ్చాడు.
