ఆ హీరోకు అమ్మవారు పూనారా?

దిశ, సినిమా : ఇంటెన్స్‌ రా యాక్షన్ ఫిల్మ్‌గా డాన్స్ మాస్టర్ బృందా గోపాల్ తెరకెక్కించిన చిత్రం 'థగ్స్'. తెలుగులో 'కోనసీమ థగ్స్' పేరుతో విడుదలవుతున్న ఈ సినిమాను హెచ్.ఆర్ పిక్చర్స్ బ్యానర్‌పై జీయో స్టూడియోస్‌తో కలిసి రియా షిబు నిర్మించారు. హ్రిదు హరూన్ హీరోగా పరిచయం అవుతున్న మూవీలో సింహ, ఆర్.కె సురేష్, మునిష్కంత్, శరత్ అప్పనీ, అనస్వర రాజన్ ముఖ్యపాత్రల్లో నటిస్తున్నారు. కాగా ఈ మూవీ నుంచి తాజాగా 'వీర శూర మహంకాళి వస్తోందయ్యా.. వేటాడను ఆ తల్లే వస్తోందయ్యా' అనే మొదటి వీడియో సాంగ్ రిలీజ్ చేశారు మేకర్స్. అమ్మవారు పూనినట్లుగా హ్రిదు చేసిన నృత్యం, డాన్స్ కొరియోగ్రఫీ అభిమానులను ఆకట్టుకుంటున్నాయి. శామ్.సి.ఎస్ అమ్మవారి ఉగ్రరూపాన్ని ఎలివేట్ చేసే ఎనర్జిటిక్ ట్యూన్ ఇవ్వగా.. వనమాలి చెడును అంతమొందించే క్రోధం ఉట్టిపడే సాహిత్యాన్ని సమకూర్చారు. కాలభైరవ ఆలపించిన ఈ గీతం విడుదలైన గంటల వ్యవధిలోనే య్యూటూబ్ ట్రెండింగ్‌లో ఉండటం విశేషం.